اقپارات جانە كوممۋنياتسيالار ءمينيسترى داۋرەن اباەۆ «Balapan» ارناسىنداعى «قوڭىر قاز» جوباسىن تانىستىرىپ, فەيسبۋكتەگى پاراقشاسىندا انيماتسيالىق ۆيدەوسىن جاريالادى.
«جوبا ارقىلى قازاق مۋلتيپليكاتسياسىنىڭ اتاسى امەن قايداروۆتىڭ «اقساق قۇلانىمەن» باستالعان انيماتسيالىق كۇي ءداستۇرىن قايتا جالعاماقشىمىز. جوبا اياسىندا قۇرمانعازى, داۋلەتكەرەي, قازانعاپ, دينا, سۇگىر, ىقىلاس سياقتى داۋلەسكەر كۇيشىلەرىمىزدىڭ كلاسسيكالىق تۋىندىلارى انيماتسيالانادى. «قوڭىر قاز» توپتاماسى 2D جانردا, ەلىمىزدىڭ بەلگىلى ماماندارىنىڭ قاتىسۋىمەن جۇزەگە استى. ءار بولىمگە مادەنيەتتانۋشى زيرا ناۋرىزباەۆا ارنايى ستسەناري ازىرلەگەن. جوبانىڭ قويۋشى رەجيسسەرى – ديلشات راحماتۋللين. باستى ماقسات - ۇلى دالا مۇراسىن ۇرپاق ساناسىنا ءسىڭىرۋ» دەپ جازدى داۋرەن اباەۆ.