حالىق ءارتىسى ءانۋار بورانباەۆتى تۋعان جەرى ەسكە الدى

ودان سوڭ ءانۋار بورانباەۆ اتىنداعى مەكتەپكە كەلىپ, ونىڭ الدىنداعى ءان-اعا ەسكەرتكىشكە گۇل شوقتارىن قويدى. وسى قالىڭ توپ سول كۇيى حالىق باتىرى  امانگەلدى يمانوۆ ەسكەرتكىشىنە بارىپ قۇران باعىشتادى. 

تۇستەن كەيىن ب.قولداسباەۆ ورتا مەكتەبىنىڭ ءماجىلىس زالىندا ءا.بورانباەۆتى ەسكە الۋعا ارنالعان «دالانىڭ دارا ساڭلاعى» اتتى عىلىمي-پراكتيكالىق  كونفەرەنتسيا ءوتتى. وندا قوستاناي وبلىسى اكىمى اپپاراتىنىڭ جەتەكشىسى   ارمان ابەنوۆ وبلىس اكىمىنىڭ قۇتتىقتاۋىن جەتكىزدى.

مۇنان سوڭ قوستاناي وبلىستىق مادەنيەت باسقارماسىنىڭ باسشىسى ەرلان قالماقوۆ, م.اۋەزوۆ اتىنداعى تەاتر ديرەكتورى, قازاقستاننىڭ ەڭبەك سىڭىرگەن قايراتكەرى ا.ماەمەروۆ ءانۋار بورانباەۆتىڭ تەاتر ونەرىنە قوسقان ۇلەسىنە باعا بەرىپ,  بۇگىنگى تەاتر  ونەرىنىڭ دامۋ ماسەلەرى جونىندە باياندامالار جاسادى.  ەسىمدەرى ەلگە تانىمال بىرقاتار تۇلعالار جارىسسوزگە شىعىپ, تەاتر مەن كينو ونەرىنىڭ جارىق جۇلدىزى ءانۋار بورانباەۆ ءومىرى مەن ونەرىنىڭ قىرلارى جايىندا ەستەلىكتەرىمەن ءبولىستى. اۋدان اكىمى نۇرجان وتەگەنوۆ ماڭىزدى شاراعا كەلگەن قوناقتارعا اۋداننىڭ بۇگىنگى دامۋى  تۋرالى ايتىپ بەردى.

«بۇگىنگى ءىس-شارالار ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا وتكىزىلىپ وتىر, شارانىڭ نەگىزگى ماقساتى دارىندى اكتەر, قازاقستاننىڭ حالىق ءارتىسى, ونەر كوگىندە جاسىنداي جارقىلداعان جەرلەسىمىز ءانۋار بورانباەۆتى ەسكە الۋ, تالانتقا تاعزىم ەتىپ, ۇرپاققا ۇلاعات-ونەگە قالدىرۋ» دەپ اۋدان باسشىسى كونفەرەنتسيانى قورتىندىلادى.   

ۇلاعاتتى باسقوسۋ اياقتالىسىمەن ءىس-شارا قوناقتارى اۋداندىق مادەنيەت ۇيىندە م. اۋەزوۆ اتىنداعى تەاتر ارتىستەرىنىڭ «سىعان سەرەناداسى» قويىلىمىن تاماشالادى. باستى رولدەردى بەكجان تۇرىس, عازيزا ابدىنابيەۆا, نازگۇل قارابالينا سىندى تانىمال اكتەرلار سومداعان قويىلىم وتە اسەرلى بولدى. ودان سوڭ شارا قوناقتارى اۋداندىق مۇراجايدى ارالاپ, اۋداندىق مادەنيەت ۇيىندە اۋدان ونەرپازدارىنىڭ دايىنداعان كونتسەرتتىك باعدارلاماسىن تاماشالادى.

ءنازيرا جارىمبەت,

«ەگەمەن قازاقستان»

قوستاناي