سولتۇستىك قازاقستان بي ءانسامبلى حالىقارالىق فەستيۆالدا ءۇش گران-پري جەڭىپ الدى

وسى كەزەڭ ىشىندە كوپتەگەن حالىقارالىق, ايماقارالىق بايقاۋلاردا جەڭىمپازدار, جۇلدەگەرلەر قاتارىنان كورىندى. جۋىردا  الماتى قالاسىندا وتكەن "كۇنشۋاق" حالىقارالىق فەستيۆالىندە تاعى توپ جاردى. بايقاۋعا قازاقستاننىڭ بارلىق وڭىرلەرىنەن جانە رەسەي, قىرعىزستان ,وزبەكستان ەلدەرىنەن كەلگەن 500-گە جۋىق ونەرپاز قاتىسقانىنا قاراماستان ارالارىنان سۋىرىلىپ شىعىپ, ەڭ ۇزدىك اتاندى. كىشى, ورتا جانە ەرەسەك قۇرام اراسىندا ءۇش  گران- پري جانە قوس-قوستان ءبىرىنشى, ەكىنشى ورىنداردى يەلەندى.

''كۇنشۋاق" حالىقارالىق بايقاۋىنا جارتى جىلداي تىڭعىلىقتى دايىندالدىق. سونىڭ ناتيجەسىندە مىڭ بۇرالعان بيشىلەرىمىزدىڭ بارلىعى دا جوعارى دەڭگەيدە ونەر كورسەتتى. ولاردىڭ كوپشىلىگى  بيمەن 5-6 جىلدان بەرى  اينالىسادى. ەستارادالىق ۇلگىدەگى بيلەرىمىز ۇزدىك ء ارى ەرەكشە دەپ تانىلدى», دەيدى قۋانىشىن جاسىرماعان «ارابەسك» بي ءانسامبلىنىڭ جەتەكشىسى تاتيانا كراۆچەنكو.

ءان جانە بي باعىتتارى بويىنشا ۇيىمداستىرىلعان بايقاۋعا  ۇجىمنىڭ ءار توبى 4 تۋىندىدان دايىنداپ اپارعان.

بۇگىندە"ارابەسك" بي ءانسامبىلىنىڭ قۇرامىندا 100-دەن استام ءبيشى بار. توپتاردا 3-تەن 15 جاسقا دەيىنگى قىزدار ونەر كورسەتەدى.

ءومىر ەسقالي,

«ەگەمەن قازاقستان»