يۋنيسەف قازاقستانداعى دەنساۋلىق ساقتاۋ جانە الەۋمەتتىك قورعاۋ جۇيەلەرىن تسيفرلاندىرۋدى ىلگەرى باستىرۋ ءۇشىن حاكاتون وتكىزەدى. الماتىدا 18-19 مامىر كۇندەرى وتەتىن حاكاتونعا الماتى قالالىق اكىمدىگى مەن حالىقارالىق اقپاراتتىق تەحنولوگيالار ۋنيۆەرسيتەتى ات سالىسىپ, «دەنساۋلىق ساقتاۋ جانە الەۋمەتتىك قورعاۋ ەكوجۇيەسىن تسيفرلاندىرۋ. بلوكچەين» تاقىرىبىندا ۇيىمداستىرادى.
بۇل شارا – دەنساۋلىق ساقتاۋ جانە الەۋمەتتىك قورعاۋ جۇيەلەرى ءۇشىن يننوۆاتسيالىق شەشىمدەر ويلاپ تابۋ, سونىمەن بىرگە, يننوۆاتسيالىق شەشىمدەردى جاستار اراسىندا ىلگەرى باستىرۋدى كوزدەيدى.
حاكاتونعا قاتىسۋ ءۇشىن استانا, الماتى, قاراعاندى جانە اقتوبە قالالارىنان 20 كوماندا, سونداي-اق, قىرعىزستاننان ەكى كوماندا تاڭدالدى, ولار 6 ۋنيۆەرسيتەت, ازاماتتىق قوعام جانە بيزنەس-ينكۋباتورلار اتىنان وكىلدىك ەتەدى. جەڭىمپازدار سىيلىقتارمەن ماراپاتتالادى جانە جوباسىن جۇزەگە اسىرۋ مۇمكىندىگىن الادى.
حاكاتون تاقىرىپتارى:
1. مەديتسينالىق ماقساتتا قولدانىلاتىن دارىلىك قۇرالداردى جانە بۇيىمداردى (مقق دق جانە ب) قاداعالاۋ.
2. سوزىلمالى سىرقاتتارعا شالدىققان ناۋقاستارعا قاشىقتان مونيتورينگ جۇرگىزۋ.
3. وتادان كەيىنگى مونيتورينگ.
4. الەۋمەتتىك تۇرعىدان ءالجۋاز حالىق توپتارىنىڭ بىرىڭعاي دەرەكقورىن ء(ااحت) قۇرۋ.
ايناش ەسالي,
«ەگەمەن قازاقستان»
الماتى