« ۇلى ەۋرازيا» باستاماسى ەقىۇ اۋماعىنداعى سەنىم داعدارىسىن رەتتەۋگە ىقپال ەتەدى

كونفەرەنتسيا بارىسىندا تانىمال اكادەميا, حالىقارالىق ۇيىمداردىڭ باسشىلارى مەن ساياساتكەرلەر ازيا مەن ەۋروپا قۇرىلىقتارىنداعى كوپجاقتى ىنتىماقتاستىق پەن ءوزارا بايلانىستىقتى ىلگەرىلەتۋ ماسەلەلەرىن تالقىلادى.

ر.ۆاسيلەنكو ەكونوميكالىق ءوزارا بايلانىستىق تاقىرىبىنا ارنالعان سەسسياداعى بايانداماسىندا قاتىسۋشىلاردى قازاقستاننىڭ ەۋرازيالىق ەكونوميكالىق وداعىنداعى باسىمدىقتارى مەن ەەو, ەۋروپا وداعى جانە بەلدەۋ جانە جول ىسپەتتەس ينتەگراتسيالىق جوبالار مەن باستامالاردىڭ ءوزارا ىقپالداستىعىن ارتتىراتىن قازاقستان پرەزيدەنتى ن.نازارباەۆتىڭ « ۇلى ەۋرازيا» باستاماسى تۋرالى  حاباردار ەتتى.

اتالعان باستامالار قازاقستاننىڭ ورتالىق ازيانى 4,4 ملرد. حالقى بار نارىققا يە ەۋروپا مەن ازيا اراسىنداعى نەگىزگى ستارتەگيالىق كوپىر بولۋ مۇددەسىنە سايكەس كەلەدى.

قر سىرتقى ساياسات ۆەدومستۆو باسشىسىنىڭ ورىنباسارى ەكسپو ينفراقۇرىلىمى نەگىزىندە بۇكىل ەقىۇ اۋماعىنا ارنالعان ءوزارا بايلانىستىق جانە جاسىل ەكونوميكا جونىندەگى ەقىۇ تاقىرىپتىق ورتالىق/حاب قۇرۋ ماسەلەسىنە اسا نازار اۋداردى.

«باتىس جانە رەسەي اراسىنداعى ءوزارا سانكتسيالارىنا بايلانىستى كوپتەگەن ساياسي جانە تەحنيكالىق قيىندىقتارىنىڭ بولۋىنا قاراماستان,كەڭ ءجان قىسقا ەندى تەمىر جولدىڭ بايلانىسىن جەتىلدىرۋ نەمەسە بالتىق تەڭىز پورتتارىن پايدالانۋ ارقىلى ترانسكونتينەنتالدىق ساۋدانى ارتتىرۋ مۇمكىندىكتەرى تۋرالى ايتتى. بۇل ءوسىم ەۋرواتلانتيكالىق جانە ەۋرازيا-تىنىق مۇحيتى ايماعىنداعى بارلىق ەلدەرگە پايدا اكەلەتىنىن, سول سەبەپتى قازاقستان دايەكتى تۇردە ءوزارا بايلانىستىق تۇجىرىمداماسىن ازىرلەۋ ارقىلى اتالعان ماسەلەلەردى شەشۋ بويىنشا جۇمىستى اتقارعانىن جانە جالعاستىراتىنىن»,- قازاقستاندىق ديپلومات اتاپ ءوتتى.

2010 جىلى قازاقستان ارقىلى ترانسكونتينەنتالدىق كونتەينەر تاسىمالى بولماعانى, 2011 جىلدىڭ وزىندە تەك 1200 كونتەينەر تاسىمالدانعانى ايتىلدى. 2017 جىلى قازاقستان تەمىر جولدارى ارقىلى ازيادان ەۋروپاعا جانە تەرىس باعىتتا 200 000 كونتەينەر تاسىمالداندى. 2018 جىلى بۇل كورسەتكىش 350 000 كونتەينەرگە جەتەتىنى جوسپارلانعان, ال 2020 جىلى قازاقستان اۋماعى ارقىلى بارلىق باعىتتارعا 2 ملن. كونتەينەر تاسىمالدانۋى كوزدەلۋدە.

سوڭعى ون جىل ىشىندە قازاقستان ءوزىنىڭ ترانسپورتتىق ينفراقۇرىلىمىنا 30 ملرد. اقش دوللارى كولەمىندە ينۆەستيتسيا قۇيدى, 2020 جىلعى دەيىن قوسىمشا 8,4 ملرد اقش دوللارىن ءبولۋ قاراستىرىلعان.

اۋستريانىڭ ەۋروپا, ينتەگراتسيا جانە سىرتقى ىستەر ءمينيسترى كارين كنايسسل كوپجاقتى ىنتىماقتاستىق اۋستريا ءۇشىن جاھاندىق پروبلەمالاردى شەشۋدىڭ قولايلى ءتاسىلى بولعانىن ءمالىم ەتتى. اعىمداعى جىلدىڭ ەكىنشى جارتىسىندا اۋستريانىڭ ەۋروپا وداعى كەڭەسىنە توراعالىعى بارىسىندا كوپجاقتى ديپلوماتيانى ىلگەرىلەتۋگە باسىمدىق بەرىلەتىنىن حابارلادى.

ەقىۇ باس حاتشىسى توماس گرەمينگەر ءوز كەزەگىندە ەقىۇ-داعى كوپجاقتى ىنتىماقتاستىق شەڭبەرىندە ديالوگ, ءوزارا بايلانىستىق پەن سەرىكتەستىكتىڭ ماڭىزدىلىعىنا توقتالدى. ەقىۇ ازياداعى ەلدەردىڭ ەكونوميكالىق ءرولىنىڭ ارتۋىنا بايلانىستى ازيا وڭىرىمەن ىنتىماقتاستىقتى نىعايتۋعا مۇددەلى بولعانىن ءسوز ەتتى.

كونفەرەنتسيا بارىسىندا ۆەناداعى بۇۇ بولىمشەسىنىڭ باسشىسى يۋري فەدوتوۆ ەقىۇ ادام ساۋداسىنا قارسى كۇرەس جونىندەگى ۇيلەستىرۋشى جانە ارنايى وكىل ءارى قازاقستاندىق ديپلومات م.جاربوسىنوۆانىڭ وفيسىمەن تىعىز ىنتىماقتاستىق ورناتىلعانىنا نازار اۋداردى.

ءىس-شارا شەڭبەرىندە ر.ۆاسيلەنكو, ك.كنايسسل, ت.گرەمينگەر مەن ەقىۇ تۇراقتى كەڭەسىنىڭ توراعاسى - يتاليا تۇراقتى وكىلى الەسساندرو اتستسونيمەن كەزدەسۋلەر وتكىزىپ, ەكىجاقتى ىنتىماقتاستىق جانە ەقىۇ كۇن تارتىبىندەگى وزەكتى ماسەلەلەردى تالقىلادى. قازاقستان 2017 جىلى ەقىۇ-عا اۋستريا جانە 2018 جىلى يتاليا توراعالىعى بارىسىندا ەقىۇ ەكونوميكا جانە ەكولوگيا كوميتەتىنە توراعالىق ەتكەنىن اتاپ وتەمىز.