ەلباسى نۇرسۇلتان نازارباەۆ استانا ەكونوميكالىق فورۋمىنداعى كىرىسپە سوزىندە جيىنعا قاتىسۋشىلاردى قۇتتىقتادى.
مەملەكەت باسشىسى اەف-تىڭ ءداستۇرلى تۇردە ءوتىپ كەلە جاتقانىن ايتا كەلە, قازىرگى تاڭدا الەمدە كەزدەسەتىن ماڭىزدى ماسەلەلەرگە توقتالدى.
«استانا ەكونوميكالىق فورۋمىنا قاتىسۋ جاقسى داستۇرگە اينالىپ كەلەدى. وسى ورايدا وسىندا كەلگەن قوناقتارىمىزعا, جالپى ءبىزدىڭ ازاماتتارعا زور راحمەتىمدى ايتامىن. 11-ءشى رەت وتكىزىلىپ وتىرعان فورۋم الەمدىك ەكونوميكانىڭ ينۆەستيتسيالارى مەن يننوۆاتسيالارىنىڭ ەڭ ماڭىزدى ماسەلەلەرىن تالقىلاۋ الاڭى بولىپ وتىر. بىلتىرعى فورۋمنان بەرى ءبىز الەمدەگى وراسان زور وزگەرىستەردىڭ كۋاگەرى بولدىق. جاڭادان تەكەتىرەس, كونفرونتاتسيالار پايدا بولۋدا, مەملەكەتتەر اراسىندا كەلىسىمگە كەلۋ قيىنداپ بارادى. اسىرەسە, ۇلكەن مەملەكەتتەر اراسىندا ءوزارا سەنىمسىزدىك, قارسىلاستىقتىڭ ۇستانىمىن تۇسىنۋگە تالپىنباۋ ءجيى كەزدەسەدى. بۇل الەم ءۇشىن وتە كۇردەلى كەزەڭ», دەدى ەلباسى.
سونداي-اق ن.نازارباەۆ وسىنداي كەلەڭسىزدىكتەرگە قاتىستى تۇيتكىلدەردى وبەكتيۆتى تۇردە تالقىلاۋدىڭ ماڭىزى زور ەكەنىن اتاپ ءوتتى.
«سول سەبەپتەن بيىلعى فورۋم جاھاندىق سىن-تەگەۋرىندەرگە ءتيىمدى جاۋاپ ىزدەۋگە باعىتتالعان. سايكەسىنشە, فورۋمدا وسى سالالارداعى بىلىكتى ماماندار جينالىپ وتىر. ولاردىڭ ءسوزىن تىڭداۋعا, ۇسىنىستارىن پايدالانۋعا ءازىرمىز», دەدى پرەزيدەنت.
ءمادينا جالەلقىزى,
«ەگەمەن قازاقستان»