پارلامەنت سەناتى قارجى جانە بيۋدجەت كوميتەتىنىڭ كەڭەيتىلگەن وتىرىسىندا «1996 جىلعى 9 جەلتوقساندا نيۋ-دەليدە جاسالعان قازاقستان رەسپۋبليكاسىنىڭ ۇكىمەتى مەن ءۇندىستان رەسپۋبليكاسىنىڭ ۇكىمەتى اراسىنداعى قوسارلانعان سالىق سالۋدى بولدىرماۋ جانە تابىس پەن كاپيتالعا سالىناتىن سالىقتارعا قاتىستى سالىق سالۋدان جالتارۋعا جول بەرمەۋ تۋرالى كونۆەنتسياعا جانە حاتتاماعا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى مەن ءۇندىستان رەسپۋبليكاسىنىڭ ۇكىمەتى اراسىنداعى حاتتامانى راتيفيكاتسيالاۋ تۋرالى» زاڭ جوباسى قارالدى, دەپ حابارلايدى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
زاڭ جوباسىمەن «قازاقستان» تەرمينىنە وزگەرىستەر ەنگىزىلدى, سونداي-اق كوۆەنتسياداعى قازاقستاندىق سالىقتاردىڭ اتاۋى قولدانىستاعى زاڭناماعا سايكەس ناقتىلاندى.
ۇسىنىلىپ وتىرعان وزگەرىستەردە ەلدەردىڭ ەكونوميكالىق مۇددەلەرى ەسكەرىلە وتىرىپ, سالىق سالۋ ماسەلەلەرىن ناقتىلاۋ نەمەسە قايتا قاراۋ كوزدەلىپ وتىر. ودان باسقا, ۋاعدالاسۋشى مەملەكەتتەردىڭ رەزيدەنتتىگىن ايقىنداۋدى رەتتەيتىن باپتاردىڭ ەرەجەلەرى دە وزگەرەتىن بولادى.
«اقپارات الماسۋ», «سالىقتاردى جيناۋعا كومەك» باپتارىنىڭ جەكەلەگەن ەرەجەلەرى ەكونوميكالىق ىنتىماقتاستىق جانە دامۋ ۇيىمىنىڭ ۇلگى كونۆەنتسياسىنا سايكەس كەلتىرىلەدى. «جەڭىلدىكتەردى شەكتەۋ» بابىنا سالىقتان جالتارۋ دەرەگى انىقتالعاندا جانە كونۆەنتسيانىڭ ەرەجەلەرىن اسىرا قولدانعاندا ىشكى زاڭنامانى قولدانۋعا مۇمكىندىك بەرەتىن ەرەجە ەنگىزىلدى.
زاڭ جوباسى پالاتانىڭ قاراۋىنا جىبەرىلدى.