30 مىڭنان استام ادام الەۋمەتتىك قولداۋ شارالارىمەن قامتىلدى, دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
وڭىرلىك جۇمىسپەن قامتۋ ورتالىعىنىڭ مالىمەتىنشە, وتكەن جىلدىڭ قاڭتار-جەلتوقسان ايلارىندا 22 مىڭ جۇمىسسىز ادام جۇمىسپەن قامتىلعان. جۇمىسپەن قامتۋ ورتالىقتارىندا ەڭبەكككە ارالاسۋعا ءوتىنىش بىلدىرگەندەردىڭ ىشىنەن 5 441 جۇمىسسىز ادام اقىلى قوعامدىق جۇمىستارعا ورنالاستىرىلىپ, 2 793 ادام قايتا دايارلاۋعا جانە بىلىكتىلىگىن ارتتىرۋ كۋرستارىنا جىبەرىلدى. الەۋمەتتىك جۇمىس ورىندارىنا 716 جۇمىس ورنى ءبولىنىپ, جۇمىس بەرۋشىلەردەن الىنعان بوس جۇمىس ورىندارى ءۇشىن 14 802 ادام قىزمەتكە ورنالاستىرىلدى.
- اتىراۋ وبلىسىنىڭ تۇرعىندارىن جۇمىسپەن قامتۋدى قولداۋدىڭ كەشەندى جوسپارىنا سايكەس, 2017 جىلدىڭ 31 جەلتوقسانىنىڭ جوسپارى 145% ورىندالدى. جۇمىس ورىندارىنىڭ قىسقارۋىنا جول بەرمەۋ ءۇشىن جۇمىس بەرۋشىلەردى جۇمىس ورىندارىندا ساقتاۋعا نەمەسە باسقا جوبالارعا اۋىستىرۋ ءۇشىن جۇمىس بەرۋشىلەر اراسىندا ءتۇسىندىرۋ جۇمىستارى جۇرگىزىلدى. ناقتىراق ايتقاندا, وبلىس اكىمدىگى جانە 2539 جۇمىس بەرۋشىلەر مەن كاسىپوداقتار اراسىندا مەموراندۋمدارعا قول قويىلدى. ناتيجەسىندە 869 جۇمىس ورنى ساقتالدى, ونىڭ ىشىندە 1228 ادام جۇمىسپەن قامتىلدى,- دەيدى اتىراۋ وبلىسىنىڭ جۇمىسپەن قامتۋ ورتالىعىنىڭ ماماندارى.
سونىمەن قاتار ەسەپتى كەزەڭدە 53 بوس جۇمىس ورىندارى جارمەڭكەسى وتكىزىلىپ, ناتيجەسىندە 2 002 ادام قىزمەتكە ورنالاستىرىلدى.
باقىتگۇل باباش,
"ەگەمەن قازاقستان"