ۆيتسە-پرەمەر اسقار جۇماعاليەۆ مەديا باسشىلارمەن كەزدەسۋ وتكىزدى

بەيرەسمي كەزدەسۋ بارىسىندا اسقار جۇماعاليەۆ پەن داۋرەن اباەۆ «تسيفرلىك قازاقستان» باعدارلاماسى تۋرالى جانە رەسپۋبليكامىزدا جۇزەگە اسىرىلىپ جاتقان جوبالار تۋرالى ايتىپ بەردى.

تىلشىلەر سۇراقتارىنا جاۋاپ بەرە وتىرىپ, اسقار جۇماعاليەۆ مەملەكەتتىك باعدارلامانىڭ دەر كەزىندە قابىلدانعانى تۋرالى ايتتى جانە دە قازاقستان ۇكىمەتىنە تسيفرلىك تەحنولوگيالاردى ەنگىزۋدى جۇزەگە اسىرۋ ماسەلەسىندە اۋقىمدى جۇمىس اتقارۋ كەرەكتىگىنە توقتالدى.

«ەلباسىنىڭ تىكەلەي تاپسىرماسى بويىنشا ۇكىمەت تاراپىنان مەملەكەتتىك باعدارلاما جاسالعان بولاتىن. ءوز جولداۋىندا پرەزيدەنت اقپارتتىق-تەحنولوگيالىق شەشىمدەردى ەنگىزۋ قاجەتتىگىن ايتتى. تسيفرلاندىرۋ – زامان تالابى. قازىرگى تاڭدا تسيفرلىك تەحنولوگياسىز جەتىستىككە جەتكەن كاسىپورىندى ەلەستەتۋ مۇمكىن ەمەس, ونداي وندىرۋشىلەر تاۋارىنىڭ ساپاسى مەن باعاسىندا ءۇتىلىپ, باسەكەلەستىككە توتەپ بەرە المايدى. ويلاپ كورىڭىزدەر وندىرىستە 10% ادامي فاكتورعا ياعني ادامنىڭ قاتەلىكتەرىنە بايلانىستى. تسيفرلىك تەحنولوگيالار مۇنداي جاعدايدى بولدىرمايدى». – دەدى پرەمەر-ءمينيستردىڭ ورىنباسارى.

اقپارات جانە كوممۋنيكاتسيالار ءمينيسترى «تسيفرلىك قازاقستان» باعدارلاماسىنىڭ دەنساۋلىق ساقتاۋدان باستاپ, وندىرىسكە دەيىن بارلىق سالانى قامتيتىندىعى تۋرالى ايتا كەلە, جوبالاردى كومپلەكستى تۇردە جۇزەگە اسىرۋ كەرەكتىگىنە باسا نازار اۋداردى.    

كەزدەسۋ بارىسىندا «زەردە» ۇلتتىق ينفوكوممۋنيكاتسيا حولدينگى» اق باسقارما توراعاسى رۋسلان ەنسەباەۆ جوبانى جۇزەگە اسىرۋ بويىنشا اۋقىمدى جۇمىستىڭ باستالىپ كەتكەندىگىن جانە ءار مەملەكەتتىك ورگاندا باعدارلامانىڭ جۇزەگە اسىرىلۋ بارىسىن قاداعالاپ وتىراتىن تسيفرلاندىرۋعا جاۋاپتى وفيس قۇرىلعاندىعى تۋرالى ايتىپ بەردى.

ەستەرىڭىزگە سالا كەتسەك, «تسيفرلىك قازاقستان» باعدارلاماسى  2017 جىلدىڭ 12 جەلتوقسانىندا قابىلداندى جانە اقپاراتتىق تەحنولوگيالاردى ەكونوميكانىڭ بەس باعىتى بويىنشا ەنگىزۋ كوزدەلۋدە. ولار: «ەكونوميكا سالالارىن تسيفرلاندىرۋ», «تسيفرلىق مەملەكەتكە كوشۋ», «تسيفرلىق جىبەك جولىن ىسكە اسىرۋ», «ادامي كاپيتالدى دامىتۋ», «يننوۆاتسيالىق ەكوجۇيەنى قۇرۋ». اتالعان باعىتتار بوينشا 2018-2022 جج. ارالىعىندا 120 ءىس-شارا جۇزەگە اسىرىلادى.