گەولوگ اۋىلدىق وكرۋگىنە قاراستى «ميراس» ىقشام اۋدانىنداعى 130 ءبۇلدىرشىن «نۇرالەم» بوبەكجاي-بالاباقشاسىنا بارادى, دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
جاڭا مەكتەپكە دەيىنگى مەكەمەدە بۇلدىرشىندەردىڭ جاس ەرەكشەلىكتەرىنە سايكەس ارنايى جەتى توپ اشىلعان. ولاردىڭ ارقايسىسىندا 20-25 بالا بار. بالاباقشاعا بۇلدىرشىندەردى 2 جاستان باستاپ قابىلدايدى. بالاباقشا عيماراتىنىڭ جالپى اۋدانى 7 604 شارشى مەتردى قۇرايتىن 2 قاباتتان تۇرادى. سونداي-اق كەڭ سپورت جانە مۋزىكالىق زالدار بار.
«بىزدە تاجىريبەلى جانە جاس ماماندار جۇمىس جاسايدى. سونىمەن قاتار, ارنايى پسيحولوگ كابينەتى قاراستىرىلعان. بۇلدىرشىندەرىمىز قازاق, ورىس جانە اعىلشىن تىلدەرىن تولىق مەڭگەرەدى. بىزدە قاجەتتى جابدىقتار بار. ءبىزدىڭ بالالارىمىز ءۇشىن بارلىق قولايلى جاعدايلار جاسالعان»,-دەيدى «نۇرالەم» بالاباقشاسىنىڭ جەتەكشىسى گاۋحار تولەگەنوۆا.
بۇگىنگى كۇنى قالادا 7 800 بالا بالاباقشا كەزەگىندە تۇر. وتكەن جىلى اتىراۋ قالاسىندا جانە قالا ماڭىنداعى ەلدى مەكەندەردە ءۇش بالاباقشا پايدالانۋعا بەرىلدى. اتىراۋدا مەملەكەتتىك-جەكەمەنشىك سەرىكتەستىك اياسىندا 20 بالاباقشانىڭ قۇرىلىسىنا جوبالىق-سمەتالىق قۇجات دايىندالادى. وسىلايشا, جاقىن ارادا قالالىق جانە اۋىلدىق وكرۋگتەردە مەكتەپكە دەيىنگى مەكەمەلەردىڭ جەتىسپەۋشىلىگى ماسەلەسى تولىعىمەن شەشىلەتىن بولادى.