رەسەي پرەزيدەنتى ۆلاديمير پۋتين مەملەكەت باسشىسى نۇرسۇلتان نازارباەۆقا ەكى ەل اراسىنداعى ديپلوماتيالىق قاتىناستارعا 25 جىل تولۋىنا وراي قۇتتىقتاۋ جەدەلحاتىن جولدادى
«وتكەن شيرەك عاسىر ىشىندە رەسەي مەن قازاقستاندى بايلانىستىراتىن دوستىق پەن ءوزارا سىيلاستىقتىڭ يگى داستۇرلەرىنە سۇيەنە وتىرىپ ءبىز ەكىجاقتى قارىم-قاتىناستاردى ستراتەگيالىق سەرىكتەستىك پەن وداقتاستىقتىڭ جوعارى دەڭگەيىنە جەتكىزە بىلدىك. رەسەي-قازاقستان ساياسي ديالوگى, ساۋدا-ەكونوميكالىق, عىلىمي-تەحنيكالىق, مادەني, گۋمانيتارلىق جانە باسقا دا سالالارداعى تابىستى ىنتىماقتاستىق قارقىندى دامۋ ۇستىندە. ءبىزدىڭ ەلدەرىمىزدىڭ ەۋرازيالىق ەكونوميكالىق وداق اياسىندا كۇش بىرىكتىرۋى ايماقتاعى تۇراقتىلىق پەن قاۋىپسىزدىكتىڭ نىعايۋىنا ىقپال ەتۋدە», دەلىنگەن جەدەلحاتتا.
سونىمەن قاتار رەسەي باسشىسى قوس ەل اراسىنداعى كەشەندى قارىم-قاتىناستار مەن كونسترۋكيۆتى ءوزارا ءىس-قيمىلدىڭ ودان ءارى دامي بەرەتىنىنە سەنىم بىلدىرە وتىرىپ, قر پرەزيدەنتىنە تابىس تىلەيدى.