مەملەكەت باسشىسى كونستيتۋتسيانىڭ 61-بابىنىڭ 1-تارماعىنا سايكەس پارلامەنت ءماجىلىسىنىڭ قاراۋىنا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ قىزمەتىنىڭ پروتسەستىك نەگىزدەرىن جاڭعىرتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەنگىزدى. بۇل تۋرالى akorda.kz حابارلادى.
زاڭ جوباسى قىلمىستىق-پروتسەستىك كودەكسكە, «جەدەل-iزدەستiرۋ قىزمەتi تۋرالى» جانە «پروكۋراتۋرا تۋرالى» زاڭدارعا تۇزەتۋلەر ەنگىزۋدى كوزدەيدى. ولار تۇتاستاي العاندا:
- ازاماتتاردىڭ قىلمىستىق پروتسەستە قورعالۋ دەڭگەيiن ارتتىرۋعا جانە ونىڭ جازالاۋ سيپاتىن تومەندەتۋگە;
- ادۆوكاتتاردىڭ پروتسەسسۋالدىق مۇمكىندىكتەرىن كەڭەيتۋ ارقىلى قىلمىستىق پروتسەستىڭ جارىسپالىلىعىن ارتتىرۋعا;
- قىلمىستىق ىستەردى تەرگەۋ ءتارتىبىن جەڭىلدەتۋگە جانە قىلمىستىق پروتسەستىڭ ۇنەمدى بولۋىن قامتاماسىز ەتۋگە;
- سوتقا دەيiنگى ساتىدا سوت باقىلاۋىن ودان ءارى كۇشەيتۋگە;
- سوتقا دەيىنگى تەرگەۋ ورگاندارى, پروكۋراتۋرا جانە سوت اراسىنداعى وكىلەتتىكتەردى ناقتى اجىراتۋعا جانە ولاردىڭ قايتالانۋىن بولدىرماۋعا باعىتتالعان.