الماتىدا قازاق كۇرەسىنەن اشىق تۋرنير وتەدى

تۋرنيرگە استانا, الماتى قالالارى مەن 14 وبلىستان 96 پالۋان قاتىسادى. اشىق تۋرنير ەرەجەسىنە سايكەس ارلاندار سايىسىنا 18 بەن 29 جاس ارالىعىنداعى جوو ستۋدەنتتەرى جانە سپورت كلۋبتارىنىڭ جاس سپورتشىلارى قاتىسا الادى.

سپورتشىلار وليمپيادا جۇيەسى بويىنشا ءۇش سالماق كاتەگورياسىندا (60 كگ, 74 كگ, +90 كگ.) كۇرەسەدى. ءار سالماق كاتەگورياسىنىڭ جەڭىمپازدارى مەن جۇلدەگەرلەرى اقشالاي سىيلىقتار, مەدالدار جانە گراموتالارمەن ماراپاتتالادى. سونىمەن قاتار, 60 كگ سالماعىنداعى سپورتشىلاردى كوتەرۋ جانە قولداۋ ماقساتىندا جەڭىمپازعا جەڭىل اۆتوكولىك سىيعا تارتىلماق. 

ەلباسى ن. نازارباەۆتىڭ تاپسىرىسىمەن 2017 جىل «جاستار جىلى» دەپ جاريالانعان بولاتىن. «ارلاندار سايىسى» ۇلتتىق سپورتتى جاستار اراسىندا ناسيحاتتاۋ ارقىلى پاتريوتتىق سەزىمدى دامىتۋ, حالىقارالىق ارەنادا قازاق كۇرەسىنىڭ بەدەلىن جوعارىلاتۋ, ورتا جانە جەڭىل سالماقتى پالۋانداردىڭ شەبەرلىكتەرىن دامىتۋ ماقساتىندا جۇزەگە اسىرىلماق.

رەسپۋبليكالىق ءتۋرنيردىڭ اشىلۋ سالتاناتىندا كورەرمەندەر نازارىنا قازاق كۇرەسىنىڭ پايدا بولۋ جانە دامۋ جولىن سيپاتتايتىن تەاترلاندىرىلعان قويىلىم ۇسىنىلادى. سونىمەن قاتار, ۇلتتىق نامىس پەن جىگەردى وياتاتىن رۋحتى اندەرىمەن كوپشىلىككە كەڭىنەن تانىمال «سەرىلەر», «الاش ۇلى» توپتارى جانە قاجىمۇرات شەشەنقۇل سىندى انشىلەر ونەر كورسەتەدى. تۋرنير ساعات 10:00-دە باستالادى.

ايگۇل احانبايقىزى, «ەگەمەن قازاقستان»