استانادا ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا كورسەتىلگەن لاتىن قارپىنە كوشۋ ماسەلەسىن قولداۋ ماقساتىندا «Like Latin in Qazaqstan» ناۋقانى ۇيىمداستىرىلدى.
قازاق ءتىلىن كيريلليتسادان لاتىن تىلىنە كوشىرۋدى قولداۋعا باعىتتالعان حالىقارالىق فوتو-ناۋقانعا ينتەرنەت قولدانۋشىلارى 300 دەن استام سۋرەت جىبەرىپ, 25 000 رەت ۇناتۋ باتىرماسىن باسقان.
ءبىر اي ىشىندە بايقاۋعا قازاقستاننىڭ بارلىق وڭىرلەرىنەن, سونداي-اق سينگاپۋر, رەسەي, اقش, ۇلىبريتانيا, فرانتسيا سەكىلدى ەلدەردەن جۇمىستار كەلىپ ءتۇستى. ناۋقاننىڭ باستى شارتى – سۋرەتتە لاتىن قارپىمەن جازىلعان قازاق تىلىندەگى ءسوز بەينەلەنۋ كەرەك.
ءادىل قازىلاردىڭ شەشىمى بويىنشا بايقاۋدىڭ جەڭىمپازى ناتاليا رۋدەنكو ەسىمدى ازاماتشا اتاندى. ەكىنشى ورىندى نازيرا ءبىرمان ەنشىلەدى. ال جاميليا سارسەنباي ەسىمدى قاتىسۋشى ءۇشىنشى ورىندى قانجىعاسىنا بايلادى.
«سۋرەتتەردىڭ بارلىعى ىزگى نيەتپەن تۇسىرىلگەنى سەزىلىپ تۇر. تاڭداۋىمىزدىڭ نەلىكتەن وسى ءۇش جۇمىسقا تۇسكەنى ايدان انىق دەپ ويلايمىن. بىزدەر باسىمدىقتى ۇلتتىق ناقىش پەن ناۋقان مىندەتتەرىنىڭ ورىندالۋىنا بەردىك», دەدى سوۆاس ازاماتتىق كەڭەسىنىڭ نەگىزىن قالاۋشى تيمۋر ءىلياسوۆ.
فوتو-ناۋقانعا قاتىسۋ ءۇشىن əلەۋمەتتىك جەلىلەردىڭ پايدالانۋشىلارى #LikeLatinInQazaqstan حەشتەگى بار سۋرەتتەرىن جاريالاپ, ونى 3 دوسىنا ارنايى ءبولىسۋ كەرەك ەكەن. ۇيىمداستىرۋشىلاردىڭ ايتۋىنشا, بايقاۋعا قاتىسقان جۇمىستاردىڭ ىشىندە Qazaq tili, Qazaqstan, Qazaq eli, Qazaq سوزدەرى مەن QZ اببرەۆياتۋراسى كوپتەپ كەزدەسەدى.
قازاق ءəلىپبيىن لاتىن əلىپبيىنە كوشىرۋ 2050 جىلعا دەيىنگى قازاقستاننىڭ دامۋ ستراتەگياسىنىڭ مىندەتتەرىنىڭ ءبىرى عانا ەمەس. بۇل دۇنيەجۇزىلىك دامۋدىڭ تەڭ قۇقىلى قاتىسۋشىسى بولۋعا ۇمتىلاتىن جالپى ەلىمىزدىڭ جاڭا كەزەڭى, دەيدى ۇيىمداستىرۋشىلار
«بۇگىندە لاتىن ءəلىپبيى كوپتەگەن əلەمدىك تىلدەردىڭ گرافيكالىق نەگىزىنە اينالدى. ول الدىڭعى قاتارلى ءبىلىم əلەمىنە, عىلىمي جەتىستىكتەرگە, تەحنولوگيالىق پروگرەسكە جəنە ادامداردىڭ تسيفرلىق قارىم-قاتىناسىنا تەرەزە بولدى. كەلىپ تۇسكەن جۇمىستارعا باعا بەرۋدى ءادىل قازىلار القاسىنا تاپسىردىق. ناۋقانعا جاستاردىڭ بەلسەنە قاتىسۋى ءبىزدى قۋانتىپ وتىر. «بولاشاق» باعدارلاماسى بويىنشا ءبىلىم الىپ جۇرگەن ستۋدەنتتەر ەلدەن الىس جۇرسە دە, تۋعان جەردە بولىپ جاتقان جاڭالىققا ءىلتيپات ءبىلدىرىپ قاتىستى», دەدى «قازاقستان-2050» جالپىۇلتتىق قوزعالىسىنىڭ اتقارۋشى ديرەكتورى ولجاس ابۋوۆ.
ءادىل قازىلار قۇرامىندا قوزعالىس كەڭەسىنىڭ مۇشەلەرى, استانا قالاسىنىڭ ازاماتتىق كەڭەسىنىڭ بەلسەندىلەرى, شاقىرىلعان قوناقتار مەن قوعامدىق قايراتكەرلەر بولدى.
«قازاقستان-2050» قوزعالىسىنىڭ باستاماسى بويىنشا فوتو-ناۋقان Facebook جəنە Instagram əلەۋمەتتىك جەلىلەرىندە ءوتتى. ەڭ كرەاتيۆتى فوتوسۋرەتتەردىڭ اۆتورلارىنا 3 زاماناۋي ەكشن-كامەرالار تابىستالدى.
ءى-ورىن
ءىى-ورىن
ءىىى-ورىن
ايگۇل شەرنياز,
«ەگەمەن قازاقستان»