بۇگىن ۇكىمەت وتىرىسى بارىسىندا پرەمەر-مينيستر باقىتجان ساعىنتاەۆ قىرعىزستان پرەزيدەنتىنىڭ ايتقان سوزدەرىنە قاتىستى جاريالانعان مالىمدەمەسىنە تۇسىنىكتەمە بەردى. سونىمەن قاتار, قازاقستان قىرعىز حالقىمەن ارقاشان دوستىق قارىم-قاتىناستى ساقتاپ كەلگەنىن اتاپ ءوتتى.
باقىتجان ساعىنتاەۆ قىرعىزستان پرەزيدەنتى ا. اتامباەۆتىڭ ەش نەگىزسىز, تسيفرلاردى بۇرمالاۋعا نەگىزدەلگەن ورىنسىز سوزدەرىنە بايلانىستى مالىمدەمە جاساعانىن اتاپ ءوتتى. قر پرەمەر-ءمينيسترى سەنىمدى فاكتىلەرمەن بەكىتىلگەن ۇكىمەتتىڭ رەسمي پوزيتسياسىن جەتكىزگەنىن باسا ايتتى.
باقىتجان ساعىنتاەۆ قازاقستاننىڭ جەتىستىكتەرى داۋسىز, حالىقارالىق قوعاممەن مويىندالعان جانە وعان قازاقستان پرەزيدەنتى نۇرسۇلتان نازارباەۆتىڭ باعىتى مەن ساياسي كوشباسشىلىعىنىڭ ارقاسىندا قول جەتكىزىلگەنىن اتاپ ءوتتى.
ءسوز سوڭىندا قر پرەمەر-ءمينيسترى قازاقستان قىرعىزستانمەن ارقاشان سەرىكتەستىك قارىم-قاتىناستى ساقتاپ كەلگەنىن اتاپ ءوتتى. مىسال رەتىندە, قىرعىز رەسپۋبليكاسىنىڭ بارلىق كولىك جانە ساۋدا جولدارى – اۆيا, تەمىرجول, اۆتوموبيل باعدارلارى – قازاقستان ارقىلى وتەدى, وندا ەشقاشان شەكتەۋ شارالارى قولدانىلماعان. بۇدان وزگە, وسى جىلدار بويى قر قىرعىز حالقىنا كومەكتەسىپ, قىرعىزستان باسشىلىعىنىڭ وتىنىشتەرىنە تۇسىنىستىكپەن قاراپ كەلەدى.