پرەمەر-مينيستر باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا ەڭبەك نارىعىن جاڭعىرتۋعا باعىتتالعان زاڭ جوباسى قارالدى. قۇجاتتى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا تانىستىردى. بۇل تۋرالى primeminister.kz حابارلادى.
سپيكەردىڭ ايتۋىنشا, زاڭ جوباسى مەملەكەت باسشىسىنىڭ تاپسىرمالارىنا سايكەس ازىرلەندى. ازىرلەۋشىلەر ەلەكتروندى ەڭبەك بيرجاسىن قۇرۋدى كوزدەيدى, ول مەملەكەتتىك جانە جەكە جۇمىسپەن قامتۋ ورتالىقتارىنىڭ اقپاراتىن, ازاماتتار مەن جۇمىس بەرۋشىلەر وزدىگىنەن ۇسىنعان رەزيۋمەلەر مەن بوس جۇمىس ورىندارىنىڭ باسىن بىرىكتىرەتىن بىرىڭعاي ەلەكتروندىق الاڭ بولادى. جاڭا ەلەكتروندىق بازا ازاماتتارعا, سونداي-اق جۇمىس بەرۋشىلەرگە, جۇمىسپەن قامتۋدىڭ جەكەشە اگەنتتىكتەرىنە جانە ينتەرنەت الاڭشالارعا تەگىن اقپاراتتىق قىزمەت الۋعا مۇمكىندىك بەرەدى.
زاڭ جوباسى جۇمىسسىزدار مەن ءوزىن-ءوزى جۇمىسپەن قامتىعان ازاماتتارعا كومەك كورسەتۋ بويىنشا قىزمەت كورسەتۋگە جۇمىسپەن قامتۋدىڭ جەكەشە اگەنتتىكتەرىن تارتۋدى ۇسىندى. وسى ماقساتتا مەملەكەت جۇزەگە اسىراتىن جانە اۋتسورسينگكە بەرىلەتىن فۋنكتسيالاردىڭ تىزبەسى ايقىندالدى. وسىلايشا, جۇمىسسىز جانە ءوزىن-ءوزى جۇمىسپەن قامتىعان ازاماتتاردى كاسىپتىك باعدارلاۋدى, ولاردىڭ وقۋىن جانە جۇمىسقا ورنالاسۋىن ۇيىمداستىرۋدى اۋتسورسينگكە بەرۋ جوسپارلانىپ وتىر.
ەكىنشىدەن, جۇمىسپەن قامتۋدىڭ جەكەشە اگەنتتىكتەرىنە جەكە قىزمەت تۇرلەرىن نەمەسە مىسالى, وقىتۋدى جانە جۇمىسقا ورنالاستىرۋدى نە كاسىپتىك باعدارلاۋدى, وقىتۋدى جانە جۇمىسقا ورنالاستىرۋدى قامتيتىن قىزمەتتەر پاكەتىن كورسەتۋ مۇمكىندىگى بەرىلەدى.
ۇشىنشىدەن, جەكە سەكتور, قىزمەت تاريفتەرى ءۇشىن تارتىمدى ستاندارتتاردى جاڭارتۋ جانە ەكونوميكالىق ءۇمىتتى اقتاۋ كوزدەلىپ وتىر.
ءتورتىنشى وزگەرىس مەملەكەتتىك جۇمىسپەن قامتۋ ورتالىقتارىن كەزەڭ-كەزەڭمەن ترانسفورماتسيالاۋدى كوزدەيدى. بۇل رەتتە, جۇمىسپەن قامتۋ ورتالىقتارى مەملەكەتتىك مەكەمەلەردەن شارۋاشىلىق جۇرگىزۋ قۇقىعىنداعى كاسىپورىندار نىسانىنا اۋىستىرىلاتىن بولادى. ۇيىمداستىرۋشىلىق-قۇقىقتىق فورمانى جەرگىلىكتى اتقارۋشى ورگاندار وزدەرى ايقىندايدى.
ازىرلەۋشىلەردىڭ پىكىرىنشە, ۇسىنىلىپ وتىرعان وزگەرىستەر جۇمىسپەن قامتۋعا جاردەمدەسۋ بويىنشا قىزمەت كورسەتەتىن ەڭبەك نارىعى ينستيتۋتتارىن كەڭەيتۋگە, ولاردىڭ ازاماتتارعا قولجەتىمدىلىگىن قامتاماسىز ەتۋگە جانە باسەكەلەستىك ەسەبىنەن ساپانى ارتتىرۋعا مۇمكىندىك بەرەدى.
زاڭ جوباسىندا 4 كودەكسكە جانە 5 زاڭعا وزگەرىستەر مەن تولىقتىرۋلار ەنگىزۋ ۇسىنىلعان.