بوزىمباەۆ ۇكىمەت باسشىسىنىڭ بۇگىنگى شەشىمىنە پىكىرىن ءبىلدىردى

«مەن جوعارعى باسشىلىقتىڭ شەشىمىن تالقىلامايمىن. ول ءوز قۇزىرەتىندەگى شارانى قولداندى. تالقىلايىن دەگەن ويىم جوق. مەن پرەزەنتاتسيا جاساپ, بۇل جاعدايدان قالاي شىعۋ ءۇشىن نە ىستەۋ كەرەكتىگىن كورسەتتىم. بەنزين باعاسىنىڭ وزگەرۋىنە بايلانىستى ءار ءتۇرلى جانارماي بەكەتتەرى ءار ءتۇرلى باعا قويادى. بىرەۋلەر شىن پەيىلمەن ساتىپ جاتتى, ال بىرەۋلەر ۇستاپ تۇردى», دەدى ەنەرگەتيكا ءمينيسترى.

«ەگەر مەن مۇناي تاپشىلىعى جوق دەسەم, ياعني مۇناي بازالارىندا ءالى دە قالدىقتاردىڭ بارىن ايتقان ەدىم. قالدىقتار كوبەيىپ جاتىر. مەن ءار اكىمگە جانارماي بەكەتتەرىندە مۇنايدىڭ باعاسىن وسەتىنىن كۇتپەي, ۇستاپ تۇرۋىن قويسىن دەپ ەسكەرتتىم. بۇعان جول جوق, جاۋاپكەرشىلىك بولادى", دەدى ول.

ەنەرگەتيكا ءمينيسترى نەلىكتەن بۇل جاعدايدى بەنزين تاپشىلىعى جوق دەپ سانايتىنىن ءتۇسىندىردى.

«جانارماي بەكەتتەرى قالدىقتارىن ۇستاپ, باعانىڭ ءوسۋىن كۇتىپ وتىر. بۇل قيىن جاعداي, شىدامدىلىق كەرەك, باعانى دا ءتۇسىرۋ قاجەت. قاراشادا بەنزين ەكى ەسە كوپ بولادى», دەدى قانات بوزىمباەۆ.

«مەن ءمينيسترمىن. ەندىگى تاعدىرىم پرەزيدەنتتىڭ قولىندا. ول نە ايتسا, سول بولادى», دەدى مينيستر.

ايتا كەتەيىك, بۇگىن ۇكىمەت وتىرىسىندا پرەمەر-مينيستر باقىتجان ساعىنتاەۆ نۇرسۇلتان نازارباەۆتىڭ اتىنا قازاقستاننىڭ ەنەرگەتيكا ءمينيسترى قانات بوزىمباەۆقا سوگىس جاريالاۋ تۋرالى ۇسىنىس ەنگىزەتىنىن مالىمدەدى. سونىمەن قاتار, ول ۆيتسە-مينيستر اسەت ماعاۋوۆتى قىزمەتىنەن بوساتۋ تۋرالى شەشىم قابىلدادى.