ەكى ستراتەگيالىق نىسان مەملەكەت مەنشىگىنە قايتارىلدى

قازاقستان رەسپۋبليكاسى مەن امە­ري­كالىق AES Corparation كومپانياسى ارا­سىنداعى 1997 جىلعى 23 شىلدەدەگى كونتسەسسيالىق كەلىسىمىنىڭ ارەكەتى 2017 جىلدىڭ 1 قازانىندا اياقتالدى.

وسىعان بايلانىستى, 2017 جىلدىڭ 2 قازانىندا جانە 2017 جىلدىڭ 3 قازا­نىندا «AES وسكەمەن تەس» جشس جانە «AES ءشۇلبى تەس» جشس – ەكى كونتسەسسيا وبەكتىسىنىڭ 100% قاتىسۋ ۇلەستەرى رەس­پۋبليكالىق مەنشىككە الىندى.

وسكەمەن سۋ ەلەكتر ستانساسى جانە ءشۇلبى سۋ ەلەكتر ستانساسى اتالعان كوم­پا­نيالاردىڭ اكتيۆى بولىپ تابىلادى.

قازاقستان رەسپۋبليكاسى قارجى مينيسترلىگىنىڭ مەملەكەتتىك م ۇلىك جانە جەكەشەلەندىرۋ كوميتەتى «AES وسكەمەن گەس» جشس-ءنىڭ جانە «AES ءشۇلبى گەس» جشس-ءنىڭ مەملەكەتتىك قاتىسۋ ۇلەستەرىن پايدالانۋ جانە يەلەنۋ قۇقىعىن قازاقستان رەسپۋبليكاسىنىڭ ەنەرگەتيكا مينيسترلىگىنە بەردى.

قازاقستان رەسپۋبليكاسىنىڭ ەنەر­­گەتيكا ءمينيسترى وسى كومپا­نيا­لاردىڭ باس ديرەكتورى ەتىپ اسقار بالا­باتىروۆتى تاعايىندادى. اسقار بالا­باتىروۆ 1992 جىلى الماتى ەنەرگەتيكا ينستيتۋتىن بىتىرگەن, «KEGOC» اق-تا, «الماتى پاۋەركونسوليدەيتەد» اق-تا, «الاتاۋ جارىك كومپانياسى» اق-تا جانە «شىعىس قازاقستان اۋدانارالىق ەلەكتر جەلىلىك كومپانياسى» اق-تا جۇ­مىس ىستەگەن, ەلەكتر ەنەرگەتيكاسى نىساندارىن باسقارۋ جۇمىسىندا ايتار­لىقتاي تاجىريبە مەن بىلىمگە يە, دەپ حا­بار­لادى ەنەرگەتيكا مينيسترلىگىنىڭ ءباسپاسوز قىزمەتى.