«البەتتە, جەدەل جاردەم كولىكتەرىنىڭ اۋىلدى جەرلەرگە جەتۋ ماسەلەسى وتكىر كۇيىندە تۇرعاندىعىن بىلەمىز. بۇل ءۇشىن جەدەل جاردەم قىزمەتىن ورتالىقتاندىرۋ باعىتىندا, ياعني قولدا بار كولىكتەردى ءتيىمدى تۇردە قولدانۋ ماقساتىندا جۇمىس جۇرگىزىلىپ جاتىر. بىراق نەگىزىنەن حالىقتىڭ 50-60 پروتسەنتى قالالاردا تۇراتىندىقتان, ول تۇرعىدا مەديتسينالىق كولىكتەردىڭ جەتۋىنە قاتىستى ماسەلە جوق. دامىعان ەلدەردەن گورى بىزدە جەدەل جاردەم كولىگى حالىقتىڭ سانىمەن سالىستىرعاندا تىم كوپ شاقىرىلادى. ال دامىعان ەلدەردە از شاقىرىلعانىمەن بىرگە ولاردا ءولىم جاعدايى دا از. ال كەرسىنشە بىزدە جەدەل جاردەم كوپ شاقىرىلعانىمەن, ونىڭ تيىمدىلىك ناتيجەسى تومەن», - دەيدى مينيستر.
وسىعان بايلانىستى مينيسترلىك دارىگەرلەر بريگاداسىمەن جۇمىس جۇرگىزىپ, جاڭا بۇيرىق شىعارىلعانىن جەتكىزدى.
«مەن جەدەل جاردەم قىزمەتى جۇمىسىنىڭ جاڭا ستاندارتى ارقىلى ءتيىمدى تۇردە جۇمىس اتقارامىز دەگەن ويدامىن. ەڭ باستىسى جاڭا ەرەجە ءتيىستى ورىنعا جەتۋ ماسەلەسىن جاقسارتۋدى كوزدەيدى. جىلدىڭ سوڭىنا دەيىن ءتيىمدى ناتيجەسىن بايقايمىز دەگەن ويدامىن», - دەدى ەلجان ءبىرتانوۆ.
ەسكە سالا كەتەيىك, قابىلدانعان جاڭا ەرەجەگە سايكەس جەدەل جاردەمنىڭ كەلۋ ۋاقىتى 1 ساعاتقا دەيىن ۇزارتىلعان بولاتىن.