«پەتروپاۆل قازاق كلاسسيكالىق گيمنازياسىنان ون بالانى ۇكىلەپ قوسىپ وتىرمىن. ولاردىڭ اراسىندا اياۋلىم كارىباي بولاشاعىنان ۇلكەن ءۇمىت كۇتتىرەدى. قازاق, ورىس, اعىلشىن تىلدەرىندە اندەردى كەرەمەت شىرقايدى», دەيدى «اينالايىن» بي توبىنىڭ جەتەكشىسى بوتاگوز مامەتوۆا.
اياۋلىمنىڭ اناسى اسەمگۇل امانوۆا ت ۇلىمشاعى جەلبىرەگەن قىزىنىڭ بىلتىر دا قاتىسىپ, جاقسى ونەر كورسەتكەنىن, بيىل دا باعىن سىناماقشى بولعانىن, ماسەلە, جۇلدەلى ورىن الۋدا ەمەس, ەڭ باستىسى تاجىريبەلەرى تولىسىپ, ىسىلادى, دەيدى.
تايىنشا اۋدانىنان كەلگەن امينا جاپار «زۆەزدى پريشيميا» وبلىستىق بايقاۋىنىڭ جەڭىمپازى, «ايالاعان استانا-2017» كونكۋرسىنىڭ گران پري يەگەرى. ۋكراينادا ۇيىمداستىرىلعان «نوۆايا ۆولنا-2017» جاس ورىنداۋشىلاردىڭ حالىقارالىق كونكۋرسىنىڭ فينالىندا جۇرتشىلىق قوشەمەتىنە بولەنگەن.
بايقاۋدى ۇيىمداستىرۋشى تولعاناي حاسەنقىزىنىڭ ايتۋىنشا, كونكۋرس بالالاردىڭ ان شىعارماشىلىعىن دامىتۋدى كوزدەيدى. مۋزىكالىق ءبىلىم الۋلارىنا كومەكتەسەدى.
قازىلاردىڭ شەشىمىمەن تايىنشا قالاسىنداعى № 5 قازاق مەكتەبىنىڭ وقۋشىسى اسەل تاسماقانوۆا جەڭىمپاز دەپ تانىلىپ, رەسپۋبليكالىق كەزەڭگە جولداما الدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى