ەرلىكتىڭ ۇلگىسىن كورسەتكەن ەكەۋ

كەلىپ تۇرعاندارى سول ەدى, انادايدان جان ۇشىرا جۇگىرگەن ءبىر ادامدى بايقايدى. جۇرەگىن قولىنا الىپ جۇگىرىپ جەتكەن ازا­مات ءتارتىپ ساقشىلارىنا سول ما­ڭداعى وندىرىستىك قوقىس-قال­دىق­تاردى توگەتىن الاڭدا بىرنەشە ادام­دى توپىراق باسىپ قالعانىن ايتادى.  «قول قۋسىرىپ قاراپ تۇراتىن ءسات ەمەس. دەرەۋ «102» ارقىلى ور­تا­­لىققا حابار بەرىپ, وقيعا بول­عان ورىنعا بەت الدىق. بارعان كەزدە توپىراقتان قولدارى مەن اياقتارى شىعىپ جاتقان ادامداردى كوردىك. ءۇي ورنىنداي ءۇيىندى استىندا قالعان جانداردى تەزىرەك شىعارۋ ءۇشىن قاجەتتى قۇرالدار بولماسا دا, جالاڭ قولمەن ارشۋعا تۋرا كەلدى. جەردىڭ ءبارى لايساڭ, تو­پىراقتى قازۋ دا وڭاي بولعان جوق. توپىراق استىندا قالعان ادام­داردىڭ جانىندا بولعان كى­سى­لەردىڭ زارەسى ۇشىپ, ەستەرى شى­عىپ كەتكەن. ۋ-شۋ. ولاردىڭ ە­س­تەرى شىعىپ كەتكەندەرى سونشا, جار­دەمگە ۇمتىلۋعا جۇرەكتەرى داۋالاماي, ورىندارىندا قالشيىپ تۇرىپ قالىپتى. سودان نە كەرەك, جا­لاڭ قولمەن توپىراق ارالاس قو­قىستى ارشىپ, ءتورت ادامدى الىپ شىقتىق. وكىنىشكە قا­راي, ولاردىڭ ىشىندەگى ەكەۋى بىر­نەشە توننا قوقىستىڭ استىندا ءجانتاسىلىم بولىپتى. ءتىرى قالعان ەكەۋىنە دارىگەرلىك كو­مەك كورسەتىلدى», – دەيدى ەرلىك كوكەشوۆ. ونىڭ ايتۋىنشا, ءتىرى قالعان ەكى ادامنىڭ ءبىرى كەيىن ەم­حانادا كوز جۇمعان كورىنەدى. جالعىز ءوزى امان قالعان جىگىت ساۋىققاننان سوڭ قوس ساربازعا حابارلاسىپ, العىسىن ايتىپ: «بۇل وقيعانى ەسىمە تۇسىرگىم كەلمەيدى. جاقىن ادامدارىمنان ايىرىلىپ قالدىم. بۇدان كەيىن مەنى مازالاماساڭىزدار دەگەن تىلىگىم بار» دەپتى ءسوزىنىڭ سوڭىندا. ال ەرلىكپەن بىرگە ەرلىكتىڭ ۇلگىسىن كورسەتكەن پوليتسيا سەرجانتى تىلەك كەنجەباەۆ «بۇل ءىسىمىزدى ەرلىك دەپ ايتۋعا بولماس. وسىنداي وقىس جاعدايدا تەك ادام ءومىرىن اجالدان اراشالاۋدى عانا ويلايسىڭ. بۇل – ءبىزدىڭ قىزمەتتىك, ادامدىق, ازاماتتىق پارىزىمىز. ءبىز تەك ءوز مىن­دەتىمىزدى اتقاردىق. ويتكەنى, ءبىز­دىڭ وتان الدىنداعى بورىشىمىز – ادام ءومىرى مەن قوعام تى­نىش­تىعىن كۇزەتۋ. ءبىزدىڭ ور­نىمىز­دا كىم بولسا دا سولاي ارە­كەت ەتەدى دەپ ويلايمىز», – دەيدى قا­را­پايىمدىلىق تانىتىپ. بەيبىت كۇندە باتىرلىعى مەن باتىلدىعىن تانىتقان قوس پوليتسيا قىزمەتكەرىنە بىلتىر پاۆ­لودار قالاسىندا «قازىرگى زامان قاھارمانى» رەسپۋبليكالىق اك­تسياسى اياسىندا وتكىزىلگەن قا­ھار­مان-پوليتسەيلەرگە سالتانات­تى تۇردە قۇرمەت كورسەتۋ را­سى­مىندە ىشكى ىستەر ءمينيسترىنىڭ ورىنباسارى, پوليتسيا گەنەرال-مايورى ەرلان تۇرعىمباەۆ العىس حات پەن باعالى سىيلىق تابىس ەتىپ, لاي­ىقتى قۇرمەت كورسەتىپتى. دانا قا­زاقتىڭ «جانىڭدا ءجۇر جاقسى ادام» دەگەن ءسوزى وسىندايدا اي­تىل­­سا كەرەك. جانىمىزداعى جاق­­سى­لاردى باعالاي بىلسەك, قا­سى­مىز­داعى قاھارمانداردىڭ قا­دى­رى­نە جەتە بىلسەك بولعانى. 

ازامات قاسىم, «ەگەمەن قازاقستان»

وسكەمەن