استاناداعى ەكسپو-2017 حالىقارالىق كورمەسىنىڭ العاشقى بەس كۇنىندە پاۆيلونداردى 10 مىڭنان استام تۋريست ارالادى. سوڭعى ەكى كۇنىندەگى ناقتى سانى – 5670 تۋريست. بۇل – باس قالاداعى 180 قوناقۇيدەن الىنعان مالىمەت. قازىرگى تاڭدا ەلوردادا 197 قوناقۇي مەن 91 حوستەل جۇمىس ىستەپ تۇر. سونىمەن قاتار, كورمە قوناقتارىن ورنالاستىراتىن 18 جاتاقحانا قاراستىرىلعان. ولاردىڭ تاۋلىكتىك باعاسى ەكى مىڭنان بەس مىڭ تەڭگەگە دەيىن. جاتاقحانا ورىندارىن برونداۋ ءۇشىن 8 (717 2) 277-815 نەمەسە 8 777 772 05 06 نومىرلەرىنە حابارلاسۋعا بولادى. بۇدان بولەك, مەيماندارعا ەلوردانىڭ ءار اۋداندارىنان 10 مىڭ قولايلى پاتەر دايىندالعان. ەكسپو-2017 كورمەسىنە كەلەتىن تۋريستەر قىمبات قوناقۇي نومىرلەرىن برونداۋدا. مەيماندار تاراپىنان «بەس» نەمەسە ء«تورت جۇلدىزدى» قوناقۇيلەرگە سۇرانىس جوعارى, ال ارزانىراق باعاداعى قوناقۇي, حوستەل, جاتاقحانالاردا ورىن كوپ. ەلوردا اكىمدىگى قوناقۇي باعالارى شەتەلدىكتەر ءۇشىن عانا ەمەس, ەلدىڭ ءار وڭىرىنەن كەلەتىن قوناقتارعا دا قولجەتىمدى دەپ سانايدى. باعانىڭ تەز قۇبىلۋىنا جول بەرمەۋ ماقساتىندا جالعا بەرۋشىلەردىڭ ارنايى قاۋىمداستىعى قۇرىلعان جانە http://تorlet.com پلاتفورما-سايتى جۇمىس ىستەيدى. وندا ونلاين ارقىلى ورىن تاڭداپ, برونداۋعا بولادى. مالىمەتتەر «استانا كونۆەنش بيۋرو» جشس-نەن الىندى
ازىرلەگەن اسان امزەبەك