الەم ارتىستەرىنىڭ ىشىنەن فينالعا قازاقستان مەن ۇلىبريتانيا ونەرپازدارى سۇرىنبەي جەتتى. جارتىلاي فينالدا وتانداستارىمىز سەربيالىق ارىپتەستەرىن 3:1 ەسەبىمەن ۇتسا, ەكىنشى جارتىلاي فينالدا ۇلىبريتانيا قۇراماسى الاڭ قوجايىندارى رەسەي قۇراماسىن 1:0 ەسەبىمەن جەڭدى. ال, فينالدىق ماچتا قازاق ارتىستەرى ۇلىبريتانيادان كەلگەن ارىپتەستەرىن 2:1 ەسەبىمەن جەڭىپ, تاريحتا تۇڭعىش رەت الەم چەمپيونى اتاندى.
بۇعان دەيىن قازاق ارتىستەرى الەم چەمپيوناتىنا ءتورت رەت قاتىستى. 2015 جىلى بەسىنشى ورىنمەن شەكتەلگەن بولاتىن. سول جىلى توپتىق باسەكەدە ءارتىس فۋتبولشىلارىمىز ارگەنتينا (3:0), تۇركيا (3:1) جانە رۋمىنيا (4:2) قۇرامالارىن جەڭىپ, ءوز توبىندا ءبىرىنشى ورىن يەلەنگەن ەدى.
ارتىستەر اراسىنداعى الەم چەمپيوناتىنىڭ ەرەجەسى بويىنشا قۇراماعا سپورتتىق كارەراسىن اياقتاعان ءۇش كاسىبي فۋتبولشىنى قوسۋعا بولادى. قازاقستان ارتىستەر قۇراماسى كومانداعا ەكى كاسىپقوي فۋتبولشىنى قوسقان. ولار «قايرات», «اتىراۋ» جانە سەمەيدىڭ «ەلىم-اي» جانە «سپارتاك» كلۋبتارىنىڭ ەكس-قورعاۋشىسى سەرگەي كۋتسوۆ پەن «قىزىلجار», «وقجەتپەس» جانە «سۇڭقار» كلۋبتارىندا دوپ تەپكەن جارتىلاي قورعاۋشى الەكساندر چەپۋكاۆيچۋس.
ارتىستەر اراسىنداعى الەم چەمپيوناتى اتانعان قازاقستاننىڭ «جۇلدىزدى» كومانداسى مىناداي قۇرامدا ونەر كورسەتتى:
ابدىكارىم كارىموۆ ء(انشى, X-factor جەڭىمپازى), اقىلبەك دوسجانوۆ (رەجيسسەر), مەلس Cاعات ء(انشى), ءانۋار ماتجانوۆ (رەجيسسەر), ەرلان ءالىموۆ ء(انشى), ارمان قوڭىرباەۆ, ادىلبەك سارباەۆ (ەكەۋى دە «ميستەريونس»), اباي جانسارباەۆ (قۇرمانعازى وركەسترىنىڭ مۋزىكانتى), اڭسات ءدىلداباي («Juniors» توبى), مارسەلەن كاماتە (اكتەر, جۇرگىزۋشى), قۋانىش كەرىمقۇلوۆ (تەاتر جانە كينو اكتەرى), عادىلبەك جاناي ء(انشى), نۇرجان كەرمەنباەۆ ء(انشى), تاۋەكەل ءمۇسىلىم (اكتەر), امان مەڭدىباي, اسىل پارين, عالىم رايحان جانە الماس التىنبەك, ء(بارى «اڭسار» كۆارتەتى), ءادىل احمەتوۆ (تەاتر جانە كينو اكتەرى), عالىمجان ارىستانبەك («Akzhol Serik Dj Bars» كومانداسىنىڭ پرەزيدەنتى), رۋسلان سەيىتوۆ (بيزنەسمەن, كوماندا دەمەۋشىسى), رىسبەك اتاشەۆ («Arai» توبى), راۆيل يساكوۆ, الىشەر ەگەمبەرديەۆ (ەكەۋى دە «The Jigits» توبى), مۇقاسان شاحزاداەۆ (حالىق ءارتىسى), ءادىلجان وماروۆ («رينگو» توبى), كۇنتۋعان سولتان («سەرىلەر» توبى) جانە ەرسۇلتان جاسىباي ء(بىرىنشى ساناتتاعى تورەشى).
«الاتاۋ» كلۋبىنىڭ باس باپكەر مارات ءىسمۇراتوۆ بولسا, كوماندانى الاڭعا باستاپ شىققان كاپيتان – مۇقاسان شاحزاداەۆ.
ءالي بيتورە,
«ەگەمەن قازاقستان»