2011 جىلدان 2015 جىل ارالىعىندا قازاقستاننىڭ جەدەل مەديتسينالىق كومەك قىزمەتىندە (بۇدان ءارى - جمك) 33 ملن. 615 مىڭ 411 شاقىرتۋ جۇزەگە اسىرىلدى, دەپ حابارلايدى قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ءباسپاسوز قىزمەتى.
وڭىرلەر اراسىندا ەڭ كوپ شاقىرىلىم سانى وڭتۇستىك – قازاقستان (4 ملن. 619 مىڭ), الماتى (4 ملن. 49 مىڭ) جانە شىعىس-قازاقستان وبلىستارىندا (3 ملن. 454 مىڭ) تىركەلگەن, سونىمەن قاتار الماتى قالاسىندا – 3 ملن. 452 مىڭ. ازىراق جەدەل مەديتسينالىق كومەك قىزمەتىنە جۇگىنگەن اتىراۋ وبلىسىنىڭ تۇرعىندارى, بارلىعى 858 مىڭ شاقىرىلىم.
قازاقستاندا سوڭعى 10 جىلدا جمك-كە قاجەتتىلىكتىڭ ارتۋى بايقالادى: 2015 جىلى 4,6 ملن. شاقىرىلىمنان 2015 جىلى 7 ملن. دەيىن.
شاقىرىلعان جەرگە بريگادانىڭ تەز كەلۋىن قامتاماسىز ەتۋدە ۋاقىتىلى جانە ساپالى مەديتسينالىق كومەك كورسەتۋ ءۇشىن زاماناۋي تالاپتار مەن ستاندارتتارعا ساي جاڭا مەديتسينالىق جابدىقتار مەن اپپاراتۋرالار, اۆتوموبيلدەرمەن رەانيموبيلدەر ساتىپ الدىندى.
بۇگىنگى كۇندە جمك قىزمەتىندە 20 مىڭنان اسا ادام قىزمەت ەتەدى. رەسپۋبليكا بويىنشا 24 دەربەس ستانتسيالار جانە 62 كىشى ستانتسيالار جۇمىس ىستەيدى, ءبىر تاۋلىككە 1300 بريگادا جانە اۆتوكولىك بىرلىكتەرى جۇمىلدىرىلعان.
رەسپۋبليكالىق سانيتاريالىق اۆياتسيا ورتالىعىمەن جمك كولىكتەرىن باقىلاۋ جانە كورسەتكىشتەرىن مونيتورينگىلەۋ بىرەگەي جۇيەسى جاسالعان, جەدەل جاردەم قىزمەتىنىڭ دارىگەرلەرى مەن پارامەديكتەرىن شۇعىل كومەك كورسەتۋ حالىقارالىق ستاندارتتارىن وقىتۋ قاجەتتىلىگى انىقتالعان, جمك قىزمەتىنىڭ ۇيلەستىرۋ جۇيەسى جەتىلدىرىلۋدە (قالالىق ستانتسيالار, جمك اۋىلدىق پۋنكتتەرى).
رەسپۋبليكا وڭىرلەرىندە حالىققا مەديتسينالىق كومەكتىڭ قولجەتىمدىلىگىن, كەڭدىگىن جانە ساپاسىن جاقسارتۋ ماقساتىندا تەلەمەديتسينا جاڭا مودەلىنىڭ كونتسەپتسياسى جاسالدى.
جمك جانە سانيتاريالىق اۆياتسيانىڭ قىزمەتكەرلەرىن شۇعىل كومەك كورسەتۋ حالىقارالىق ستاندارتتارى بويىنشا تاجىريبەلىك داعدىلارىنا وقىتۋ ءۇشىن رەسپۋبليكالىق سانيتاريالىق اۆياتسيا بازاسىندا وقۋ-ترەنينگ ورتالىعى اشىلعان.