پارلامەنت سەناتىنىڭ ءباسپاسوز قىزمەتى حابارلاعانداي, حالىقارالىق قاتىناستار, قورعانىس جانە قاۋىپسىزدىك كوميتەتىنىڭ حاتشىسى يكرام ادىربەكوۆ لاتۆيا رەسپۋبليكاسى سەيمى حالىقارالىق ىستەر جونىندەگى كوميتەتىنىڭ ءتوراعاسى ويارس كالنينشپەن ەكىجاقتى ىنتىماقتاستىق ماسەلەلەرىن تالقىلادى.
و.كالنينش تاۋەلسىزدىكتىڭ 25 جىلىندا قازاقستان قول جەتكىزگەن تابىستاردى جوعارى باعالادى.
ءوز كەزەگىندە سەناتور ي.ادىربەكوۆ «نۇرلى جول» باعدارلاماسى, قازاقستاننىڭ كولىك-ترانزيت الەۋەتى تۋرالى حاباردار ەتىپ, لاتۆيالىق كاسىپكەرلەردى يندۋستريالىق-يننوۆاتسيالىق دامۋ جانە ينفراقۇرىلىمدىق مەملەكەتتىك باعدارلامالاردى ىسكە اسىرۋعا قاتىسۋعا شاقىردى.
اڭگىمە بارىسىندا لاتۆيا سەيمى حالىقارالىق ىستەر جونىندەگى كوميتەتىنىڭ ءتوراعاسى ريگادا قازاقستان ەلشىلىگىن اشۋ تۋرالى ءوتىنىش ايتتى. ديپلوماتتىڭ پىكىرىنشە, بۇل دوستىق قاتىناستاردى نىعايتۋعا جانە ساۋدا-ەكونوميكالىق ىنتىماقتاستىقتى ۇدەتۋگە ىقپال ەتەدى.