سىمباتتى بوزبالا, سۇلۋ بويجەتكەن

ۆەنا بالىنىڭ ءسانىن كەلتىردى سۇلتانماحمۇت تورايعىروۆ اتىنداعى مەملەكەتتىك ۋنيۆەرسيتەتتە «ۆەنا ءۆالسى» اۋەنىمەن تەربەلگەن ستۋدەنتتەر جۇپتارى بي بيلەپ, تاڭعاجايىپ كورىنىس سىيلادى. بۇل مەرەكە قازاقستان ستۋدەنتتەر اليانسى مەن ۋنيۆەرسيتەت بەلسەندىلەرىنىڭ ۇيىمداستىرۋىمەن ءوتتى. ءسان-سالتاناتقا تولى كەشتە سۇلۋ قىزدار مەن سۇڭعاق بوي­لى جىگىتتەر نۇرلى ءجۇز­دە­رىندەگى قۋانىشتارىن جاسىرا المادى. ءبارى دە تولقۋلى, ەرتەگىدەي تاڭعاجايىپ ءساتتى كۇ­تەدى... مىنە, مىنە, سول ءسات تە كەل­­دى! سموكينگ كيگەن سىمباتتى بوز­­بالالار سۇلۋ بويجەتكەندەردى بيگە شاقىردى. XVIII عاسىردىڭ بي بالى داستۇرىنە ساي 32 جۇپ جارقىراعان سالتاناتتى كەڭ زالدا ءبىر-ءبىرىن تەربەتە بيلەي جونەلدى. تارتىمدى جۇپتار بي بالىنىڭ شىرايىن كەلتىردى. وتكەن كۇننىڭ ەنشىسىندە قالعان داستۇرلەر مەن ادەپتى, سۇلۋلىق پەن ونەردى پاش ەتەتىن «ۆەنا ۆالسىنە» جانە «ۆەنا بالىنا» قاتىسۋشىلار كلاسسيكالىق ءبيدىڭ تاڭعاجايىپ الەمىنە جەتەلەگەندەي. جان جادىراتار اۋەندەرمەن قالىقتاعان قىز-جىگىتتەرگە قاراساڭ, جاستىق شاقتى ساعىنعانداي كۇي كەشەسىڭ. كلاسسيكالىق بي ونەرىنىڭ قۇدى­رەتىنە قايران قالاسىڭ. بالدىڭ العاشقى ءۇش كەزەڭىندە تاريحي بيلەر كورسەتىلدى. بەكزادالار مەن سۇلۋ بويجەتكەندەر پولونەز, مەنۋەت, پاۆانا, فرانتسۋز كادريلى بي­لەرىن بيلەپ, ءسۇيسىندىردى. جۇپ­تار  بيلەردىڭ بۇل تۇرلەرىنە ارنايى جات­تىعىپ, مازمۇن-تاري­حىنا ار­نالعان ساباق­تاردان  ءوتىپتى. كەش باع­دار­لاماسىندا قو­ناقتاردىڭ كو­ڭىلىن كوتەرەتىن قىزىقتى تەاتر­­لان­دىرىلعان قويىلىمدار دا ساحنالاندى. ۋنيۆەرسيتەت في­­لارمونياسىنىڭ انشىلەرى مۋ­زىكالىق ءان-شاشۋ جاسادى. ستۋ­دەنتتەر ءبىر ۋاق لەكتسيالاردان باس كوتەرىپ, بي كەشىندە ۆەنالىق ەر­­تە­گىلەر كەيىپكەرلەرىنە اينالدى. – ستۋدەنتتىك بال وتكىزۋ – ءبىزدىڭ وقۋ ورنىنىڭ ادەمى ءداستۇرى. بال – كەڭىستىك پەن ۋاقىتتىڭ جاڭعىرۋى, اۋەننىڭ ىرعاعىمەن دوڭگەلەنە بيگە ورانعان عاجايىپ الەم. سول ءداۋىر عاجابىمەن تىنىستادىق, – دەيدى ستۋدەنتتەر اليانسىنىڭ توراعاسى ايدار مۇراتوۆ. ال بال حانشايىم مەن حانزاداسىز بولا  ما؟ ۆەنا بالىندا بي بيلەۋدەگى شەبەرلىگىن اسىرىپ, ەتيكەتىن ناشىنە كەلتىر­گەن دينا چۋماروۆا  (ەنەرگەتيكا  فاكۋلتەتى) جانە تەمىرلان مەيراموۆ (حيميا­لىق تەحنولوگيالار جانە جاراتىلىستانۋ فاكۋلتەتى) كەش حانشايىمى مەن حانزاداسى اتاندى. فاريدا بىقاي, «ەگەمەن قازاقستان» پاۆلودار سۋرەتتى تۇسىرگەن رۋفينا تورپيششەۆا