ازەربايجاننىڭ شەكي شاھارىندا وتكەن تۇركسوي تۇراقتى كەڭەسىنىڭ 34-ءشى وتىرىسىندا قازاقستاننىڭ تۇركىستان قالاسىن تۇركى الەمىنىڭ 2017 جىلعى مادەني استاناسى ەتىپ بەكىتۋ تۋرالى شەشىم قابىلداندى.
اتالمىش جيىنعا تۇركسوي-عا مۇشە ەلدەردىڭ مادەنيەت قايراتكەرلەرى, سونداي-اق تۇركى كەڭەسى, تۇركىتىلدەس مەملەكەتتەر پارلامەنتتىك اسسامبلەياسى, حالىقارالىق تۇركى اكادەمياسى, تۇركى مادەني ميراس قورى
سەكىلدى حالىقارالىق ۇيىمداردىڭ وكىلدەرى قاتىستى.
جيىندا قازاقستاننىڭ تۇركىستان قالاسىن 2017 جىلى تۇركى الەمىنىڭ مادەني استاناسى ەتىپ بەكىتۋ جونىندە شەشىم قابىلداندى. تۇراقتى كەڭەستىڭ 35-ءشى وتىرىسىنىڭ ۇيلەستىرۋشىسى بولۋ قازاقستان رەسپۋبليكاسىنىڭ مادەنيەت جانە سپورت مينيسترلىگىنە جۇكتەلىپ, ونىڭ وتىرىسى 2017 جىلدىڭ سوڭىنا قاراي تۇركىستاندا وتەتىن بولىپ بەلگىلەندى.
بۇعان قوسا, ازەربايجان مادەنيەت جانە تۋريزم مينيسترلىگىنىڭ ۇسىنىسىمەن تۇركسوي ۇيىمىنا مۇشە ەلدەردە 2017 جىل «موللا پاناح ۆاگيفتى ەسكە الۋ جىلى» دەپ جاريالاندى.