قازاقستاننىڭ باسىم بولىگىندە بەيسەنبى, 1 جەلتوقساندا اۋا رايى جاۋىن-شاشىنسىز بولادى, رەسپۋبليكامىزدىڭ سولتۇستىك جانە باتىس اۋماقتارىندا اتموسفەرالىق فرونتتىڭ وتۋىنە بايلانىستى جاۋىن-شاشىن كۇتىلەدى. كەي جەرلەردە تۇمان, كوكتايعاق, بۇرقاسىن بولىپ, جەل كۇشەيەدى, دەپ حابارلادى «قازگيدرومەت» رمك.
اقمولا, سولتۇستىك قازاقستان وبلىستارىندا كەي جەرلەردە تۇمان, كوكتايعاق, جاياۋ بۇرقاسىن بولۋى ىقتيمال, جەل 15-20 م/س كۇشەيەدى.
الماتى وبلىسىنىڭ جالاڭاشكول اۋماقتارىندا جەلدىڭ جىلدامدىعى 18-23 م/س جەتەدى.
قوستاناي وبلىسىنىڭ كەي جەرلەرىندە تۇمان, كوكتايعاق بولىپ, جەل 15-20 م/س كۇشەيەدى.
پاۆلودار وبلىسىنىڭ كەي جەرلەرىندە تۇمان, جەلدىڭ ەكپىنى 15-20 م/س.
شىعىس قازاقستان وبلىسىندا جەل تۇرادى, جىلدامدىعى 15-20 م/س, جاياۋ بۇرقاسىن بولۋى ىقتيمال.
جامبىل, اتىراۋ, باتىس قازاقستان وبلىستارىنىڭ كەي جەرلەرىندە تۇمان ءتۇسىپ, كوكتايعاق بولادى.
وڭتۇستىك قازاقستان, قىزىلوردا, ماڭعىستاۋ وبلىستارىنىڭ كەي جەرلەرىندە تۇمان ءتۇسۋى مۇمكىن.