1 جەلتوقسان – تاۋەلسىز قازاقستان ءۇشىن ايرىقشا كۇن. وسىدان 25 جىل بۇرىن وتانداستارىمىز تاريحي تاڭداۋ جاسادى. ءدال وسى كۇنى ەگەمەن ەلىمىزدىڭ تۇڭعىش پرەزيدەنتى سايلاندى. جارقىن بولاشاققا دەگەن ءۇمىت جالپىحالىقتىق سەنىمگە ۇلاستى. بۇل قادام ناتيجەلى بولىپ, شيرەك عاسىر ارالىعىندا قازاقستان الەمنىڭ دامىعان مەملەكەتتەرىنىڭ قاتارىنان كورىندى. تۇتاس داۋىرگە تاتيتىن جىلدارداعى سىندارلى جۇمىستار جاسامپازدىقتىڭ جەمىسى مەن جەڭىسىنە اينالدى.
ەلىمىزدەگى پرەزيدەنتتىك باسقارۋ ينستيتۋتىنىڭ قالىپتاسۋىنا جول اشقان 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنى بولىپ بەلگىلەندى. بۇل تاريحي تاڭداۋدىڭ قاپىسىز جاسالعاندىعىنىڭ ايقىن ايعاعى. تاۋەلسىز ەلىمىزدىڭ ابىرويلى اسۋلارىنىڭ ەلباسى ەسىمىمەن تىعىز بايلانىستا ەكەندىگىنىڭ ءبىر دالەلى.
ەلدىك دارەجەدەگى ەلەۋلى مەرەكەگە اينالعان تۇڭعىش پرەزيدەنت كۇنى – تاۋەلسىز, قۋاتتى مەملەكەت قالىپتاستىرعان نۇرسۇلتان نازارباەۆتىڭ تۇلعاسىن ايشىقتايتىن ماڭىزدى مەرەكە رەتىندە تاريح كوشىنە جالعاسا بەرەدى.