ءبىلىم جانە عىلىم ۆيتسە-ءمينيسترى ەلميرا سۇxانبەرديەۆانىڭ ايتۋىنشا, الداعى ۋاقىتتا ۇلتتىق بىرىڭعاي تەستىلەۋدى تاپسىرۋ مۇمكىندىكتەرىن بارىنشا ارتتىرۋ جوسپارلانىپ وتىر. سەبەبى «بالا بىردەن اشىلماۋى مۇمكىن», دەپ xابارلادى قازاقپارات.
«بۇرىن ۇلتتىق بىرىڭعاي تەستىلەۋدەن وتپەگەندەر كوپ شۋلادى. قازىر تەستتى ءبىر رەت تاپسىرا الماساڭ, ەكىنشى رەت وتۋگە مۇمكىندىك بار. ەكىنشى رەت وتپەسە دە, جارتى جىل دايىندالۋعا بولادى. سوسىن جوعارى وقۋ ورنىنا تۇسە الاسىزدار. نەگىزى, بۇگىندە ءبىلىم مينيسترلىگى وسى ماسەلەنى جان-جاقتى زەردەلەپ, امەريكا مەن انگلياداعى SAT سياقتى تەستتى 9-11 رەت تاپسىراتىنداي جاعدايدى قاراستىرىپ وتىر. سەبەبى ءاربىر بالانىڭ تەستتى قايتا تاپسىرۋعا قۇقىعى بار. بالا بىردەن «اشىلماۋى» مۇمكىن. ول الاڭدايدى, قوبالجيدى. سوندىقتان وعان تەستتى تاپسىرۋعا بىرنەشە مۇمكىندىك بەرىلۋى كەرەك», – دەدى ۆيتسە-مينيستر رەسپۋبليكالىق جاستار فورۋمىنىڭ ءبىلىم بەرۋ سالاسىنا ارنالعان پىكىرتالاس الاڭىندا.
ە.سۋxانبەرديەۆانىڭ ايتۋىنشا, مينيسترلىكتىڭ نەگىزگى ماقساتى – 2020 جىلعا دەيىن جوعارى ءبىلىمى بار ازاماتتاردىڭ سانىن 35 پايىزعا جەتكىزۋ.