بۇگىن, 30 قاراشا كۇنى, قىزىلوردا وبلىسى قازالى اۋدانىنداعى ايتەكە بي كەنتىندە 150 ورىندىق اۋداندىق اۋرۋحانانىڭ ىرگەتاسىن قالاۋ ءراسىمى ءوتتى. شاراعا وبلىس اكىمى قىرىمبەك كوشەرباەۆ قاتىستى.
- سوڭعى 3 جىلدا دەنساۋلىق ساقتاۋ سالاسىنا بولىنگەن قارجى 9 ملرد. تەڭگەگە ۇلعايىپ, 2016 جىلى 32 ملرد. تەڭگەنى قۇرادى. قىزىلوردالىقتار 2013 جىلعا دەيىن ساپالى مەديتسينالىق كومەك الۋ ءۇشىن الماتى نەمەسە استاناعا سابىلاتىن. قازىر وبلىستىق مەديتسينالىق قىزمەت تۇرلەرىن سەنىمدى تۇردە پايدالانۋدا. 2014 جىلى قىزىلوردالىق دارىگەرلەر رەسپۋبليكادا ءتورتىنشى بولىپ بۇيرەك اۋىستىرۋ وتاسىن جاسادى. تاۋەلسىزدىك جىلدارىندا دەنساۋلىق ساقتاۋ سالاسى بويىنشا وبلىستا - 109, ونىڭ ىشىندە سوڭعى 4 جىلدا 47 نىسان بوي كوتەردى. نەگىزىنەن ولار – اۋداندىق, اۋىلدىق ەمحانالار مەن امبۋلاتوريالار,- دەدى ق.كوشەرباەۆ.
باس مەردىگەر «كازسترويسەرۆيس» جاۋاپكەرشىلىگى شەكتەۋلى سەرىكتەستىگىنىڭ ديرەكتورى رۋسلانبەك سەيتمۇراتوۆتىڭ ايتۋىنشا, اۋرۋحانانىڭ قۇرىلىسى 2017 جىلدىڭ اياعىندا تولىقتاي اياقتالادى.