قازاقستان پرەزيدەنتى نۇرسۇلتان نازارباەۆ برازيليا فەدەراتيۆتىك رەسپۋبليكاسىنىڭ پرەزيدەنتى ميشەل تەمەرگە كوڭىل ايتۋ جەدەلحاتىن جولدادى. بۇل تۋرالى اقوردانىڭ ءباسپاسوز قىزمەتى حابارلادى.
جەدەلحاتتا كولۋمبيا رەسپۋبليكاسىنىڭ اۋە كەڭىستىگىندە بولعان ۇشاق اپاتى سالدارىنان برازيليا ازاماتتارىنىڭ قازا بولعانى تۋرالى حاباردى نۇرسۇلتان نازارباەۆتىڭ زور كۇيزەلىسپەن قابىلداعانى ايتىلعان. «قازا بولعانداردىڭ تۋىستارى مەن جاقىندارىنا, سونداي-اق, بارشا برازيليا حالقىنا اۋىر قايعىلارىنا ورتاقتاسىپ, قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن», - دەلىنگەن جەدەلحاتتا. مەملەكەت باسشىسى زارداپ شەككەندەردىڭ تەزىرەك ساۋىعىپ, وتباسىلارىنا ورالۋىنا تىلەكتەستىك ءبىلدىردى.