قازاقستان عىلىمنىڭ بىرنەشە سالاسىندا ۇزدىك وندىققا كىردى. بۇل مالىمەتتەردى وقۋ جەتىستىكتەرىن باعالاۋدىڭ حالىقارالىق اسسوتسياتسياسى حابارلادى.
ماتەماتيكا سالاسىنداعى ءبىلىم ساپاسى بويىنشا قازاقستان مەكتەپتەرىنىڭ سەگىزىنشى سىنىپ وقۋشىلارى جەتىنشى ورىندا. قازاقستاننىڭ الدىندا رەسەي تۇر. ۇزدىك ۇشتىكتە سينگاپۋر, وڭتۇستىك كورەيا, تايۆان بار. ال باستاۋىش سىنىپتارىنا ماتەماتيكادان ساباق بەرۋ دەڭگەيىنىڭ رەيتينگىنە قازاقستان كىرمەگەن.
سونىمەن قاتار ەلىمىز جاراتىلىستانۋ عىلىمدارىن سەگىزىنشى سىنىپتاردا وقىتۋ بويىنشا رەيتينگتە ونىنشى ورىندا تۇر. كورشىلەس رەسەي جەتىنشى ورىن السا, ۇزدىك ۇشتىككە سينگاپۋر, جاپونيا, تايۆان كىرگەن.
ال جاراتىلىستانۋ عىلىمدارىن ءتورتىنشى سىنىپتاردا وقىتۋ بويىنشا رەيتينگتە قازاقستان توعىزىنشى ورىن العان. بۇل تىزىمدە العاشقى ۇشتىكتە سينگاپۋر, وڭتۇستىك كورەيا, جاپونيا بار. ءتورتىنشى ورىندا رەسەي تۇر.
مەكتەپتەگى ماتەماتيكالىق جانە جاراتىلىستانۋ عىلىمدارىن وقىتۋ ساپاسىن حالىقارالىق مونيتورينگتىك زەرتتەۋ (TIMSS) - وقۋ جەتىستىكتەرىن باعالاۋدىڭ حالىقارالىق اسسوتسياتسياسى ۇيىمداستىرعان باعدارلاما.
ونىڭ نەگىزگى ماقساتى - ماتەماتيكا جانە جاراتىلىستانۋ ءبىلىمىن باستاۋىش جانە نەگىزگى مەتەپتە وقىتۋ دەڭگەيىن باعالاۋ. بۇل رەيتينگ ءار ءتورت جىل سايىن جاسالادى.