«Astana Proteam» ۆەلوكومانداسى قازاقستاندىق نيكيتا ستالنوۆپەن كەلىسىمشارتقا وتىردى, دەپ حابارلادى كوماندانىڭ ءباسپاسوز قىزمەتى. 25-جاسار ستالنوۆ بۇعان دەيىن «Astana City» كومانداسىنىڭ قۇرامىندا بولعان.
2016 جىلى نيكيتا "تۇركيانىڭ پرەزيدەنتتىك تۋرىندا", "ازەربايجان تۋرىندا", "ۋكراينا تۋرىندا" ءۇشىنشى كەلگەن. قازاقستاننىڭ جەكە گونكالار چەمپيوناتىندا قولا مەدال العان.
- نيكيتا - جاس سپورتشى. ول وتكەن كەزەڭدە جاقسى ناتيجەلەر كورسەتتى. ءبىزدىڭ كوماندادا ول جاقسى كاسىبي مامان بولىپ, كوشباسشىلار قاتارىنا قوسىلادى دەپ ۇمىتتەنەمىز, دەدى كوماندانىڭ باس مەنەدجەرى الەكساندر ۆينوكۋروۆ.