2017 جىلدىڭ باسىندا ءامۋداريا وزەنىنىڭ ۇستىنە وزبەكستان مەن تۇركىمەنستاندى جالعايتىن ءىرى كولىك جانە تەمىر جول جۇرەتىن ماگيسترالدى كوپىر ىسكە قوسىلادى.
بۇل جونىندە تۇركىمەنستان پرەزيدەنتى گۋربانگۋلى بەردىمۇحامەدوۆ مالىمدەدى دەپ حابارلادى Uzbekistan Today اگەنتتىگى.
ەڭ ءىرى كوپىردى ىسكە قوسۋ ەكى ەلدەگى كولىك قوزعالىسىن جىلدامداتادى دەپ اتاپ وتكەن تۇركىمەنستان باسشىسى اشحابادتا وتكەن بۇۇ-نىڭ كولىك تۇراقتىلىعى جونىندەگى عالامدىق كونفەرەنتسيادا.
وزبەكستان پرەمەر-ءمينيسترىنىڭ ورىنباسارى رۋستام ءازيموۆتىڭ ايتۋىنشا, قازىرگى ۋاقىتتا ەڭ باستى ماسەلە – كولىك بايلانىسىنىڭ قاۋىپسىزدىگىن قامتاماسىز ەتۋ. ول سونداي-اق, سوڭعى ەكى جىلدا وزبەكستاننىڭ سىرتقا تاسىمالدايتىن جۇگى ەكى ەسەگە ارتقانىن اتاپ ءوتتى. مۇنىڭ باستى سەبەبى يران مەن تۇركىمەنستان وزدەرىنە كەدەن سالىعىندا جەڭىلدىك بەرگەنىمەن تۇسىندىرەدى.