قازاق ەستراداسىندا 26 جىل بويى بىرگە ءان شىرقاپ كەلگەن «نۇر-مۇقاسان» دۋەتى تاراپ كەتتى. بۇل تۋرالى مۇقاسان شاحازاداەۆ «استانا» ارناسىنداعى «ەل اۋزىندا» باعدارلاماسىنا بەرگەن سۇحباتىندا ايتتى.
«نۇرلان قازىر ءوز شىعارماشىلىعىمەن, مەن ءوز شىعارماشىلىعىممەن اينالىسۋدامىن. بۇعان دەيىن دە ايتىلعان بولاتىن. بۇل تەك نۇرلان ەكەۋمىزدىڭ ارامىزداعى اڭگىمە. ونى جارنامالاعىم كەلمەيدى. 26 جىلدىڭ ىشىندە ءبىر-ءبىرىمىزدى كەشىرمەيتىندەي جاعداي بولعان ەمەس, دەسە دە كىشىگىرىم تۇسىنىسپەۋشىلىكتەر بولدى. ءبىر جاعىنان, 26 جىل بويى قاتتى كەتپەي, شىداپ كەلگەن سياقتىمىز. قازىر نۇرلان جايلى ەشتەڭە ايتا المايمىن. بەيحابارمىن. توسىن سىي ازىرلەپ جاتقان شىعار. ءبىر كۇنى جارق ەتىپ شىعا كەلۋى دە مۇمكىن», - دەدى مۇقاسان شاحازاداەۆ.
ايتا كەتەيىك, 1990 جىلى قۇرىلعان «نۇر-مۇقاسان» دۋەتى «قۇداشا قىز», «سەزىمدى قايتەم», «قوس قارلىعاش» حيت اندەرىمەن كوپشىلىكتىڭ جۇرەگىن جاۋلاعان بولاتىن.