قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ بۇرىنعى توراعاسى نارتاي دۇتباەۆ ۇستالدى دەپ حابارلايدى قازاقپارات قر ۇقك ءباسپاسوز-قىزمەتىنە سىلتەمە جاساپ.
قر ۇلتتىق قاۋىپسىزدىك كوميتەتى مەملەكەتتىك ورگانداردىڭ بىرقاتتار قىزمەتتىك تۇلعالارىنا قاتىستى سوتالدى تەرگەۋ جۇرگىزىپ جاتىر.
"جەدەل-تەرگەۋ شارالارى بارىسىندا قر قك 185-بابىنىڭ 3-تارماعى "مەملەكەتتىك قۇپيانى جاريا ەتۋ" جانە 362-بابىنىڭ 3-تارماعى "بيلىك پەن قىزمەتتىك بابىن اسىرۋ" بويىنشا دۇتباەۆ نارتاي نۇرتاي ۇلى, حاسەن نۇرلان بولات ۇلى جانە نۇرتاەۆ ەرلان ءسۇيىمباي ۇلى ۇستالدى", - دەلىنگەن حابارلامادا.
سونىمەن قاتار, وسى اتالعان تۇلعالاردىڭ قازاقستان رەسپۋبليكاسى قىلمىستىق-پروتسەستىك كودەكسىنىڭ 128-بابىنىڭ تارتىبىندە ۇقك ۋاقىتشا ۇستاۋ يزولياتورىنا قامالعانى حابارلاندى. كۇدىكتىلەر مەن ولاردىڭ تۋىستارىنىڭ تۇرعىلىقتى مەكەن-جايى بويىنشا ءتىنتۋ جۇمىستارى جۇرگىزىلدى, زاتتاي ايعاقتار تاركىلەندى. تەرگەۋ جالعاسىپ جاتىر, ونىڭ بارىسى مەن قورىتىندىسى قوسىمشا حابارلانادى ەكەن.
ايتا كەتەيىك, نارتاي دۇتباەۆ 2001-2006 جىلدار ارالىعىندا ۇقك توراعاسى قىزمەتىن اتقارعان بولاتىن.