بۇگىن «ەگەمەن قازاقستان» گازەتى قىزمەتكەرلەرىنىڭ بالالارى مەن نەمەرەلەرىنە ارنالعان ءداستۇرلى جاڭاجىلدىق كەش ءوتتى. ول استاناداعى ق.قۋانىشباەۆ اتىنداعى قازاق دراما تەترىندا ۇيىمداستىرىلدى.
بۇل جاڭاجىلدىق شىرشاعا 12 جاسقا دەيىنگى بالالار قاتىستى. تاقپاق ايتىپ, اياز اتادان ءتۇرلى سىيلىقتار العان بالدىرعاندارعا شارا بارىسىندا ءتۇرلى ويىندار دا ۇيىمداستىرىلدى.
«ەگەمەن» ۇيىمداستىرعان بۇل شىرشا بۇعان دەيىنگى جاڭاجىلدىق مەرەكەلەرىنەن وزگەشەلەۋ بولدى دەسەك تە بولادى. ويتكەنى, بۇل جولى بالدىرعاندارعا جاڭاجىلدىق سىيلىقتاردان بولەك, تانىمال ەرتەگى – «كۇلشە قىزدىڭ» قويىلىمى ۇسىنىلدى. بۇل قويىلىمدا ق.قۋانىشباەۆ اتىنداعى قازاق دراما تەاترىنىڭ مايتالمان ارتىستەرىنىڭ ويناۋى جاڭاجىلدىق كەشتىڭ ءمان-ماڭىزىن ارتتىرا تۇسكەندەي بولدى.
جالپى, جاڭا جىل مەرەكەسىن ەرەسەكتەرگە قاراعاندا سابيلەر اسىعا كۇتەدى. ولار اتالعان مەرەكە جاقىنداي تۇسكەندە ەرەكشە دايىندالا باستايدى. اسىرەسە, جاڭاجىلدىق شىرشانىڭ جانىندا قول ۇستاسىپ ءان ايتۋ, بي بيلەۋ سابيلەر ءۇشىن ەرەكشە ءبىر عانيبەت. بۇل ساتتەر, ارينە, بالالاردىڭ ۇزاق ۋاقىتقا ءتاتتى ەلەس بولىپ قالىپ قويادى. ال اتا-انالار ءۇشىن بالاسىنىڭ قۋانعانىن كورۋ – ءبىر باقىت.
جولدىباي بازار, «ەگەمەن قازاقستان».
سۋرەتەردى تۇسىرگەن ەرلان وماروۆ