قازاقستانداعى Toyota كومپانياسىنىڭ رەسمي وكىلدىگى Fortuner ماركالى كولىگىنىڭ ءوندىرىسى توقتاتىلعانىن حابارلايدى, دەپ جازادى kolesa.kz.
13 جەلتوقسان كۇنى اقىرعى كولىك قۇراستىرىلىپ, ودان بەرى ءوندىرىس بولماعان. تيىسىنشە, بۇدان بىلاي ەلگە اتالعان كولىكتىڭ بولشەكتەرى اكەلىنبەيدى.
ءوندىرىستىڭ توقتاۋىنا تۇرتكى بولعان سەبەپتەردىڭ ءبىرى قر تەحنيكالىق رەگلامەنىنە Fortuner ماركاسى سەرتيفيكاتىنىڭ ەسكىرۋى. اتالعان كولىكتىڭ قازىرگى سەرتيفيكاتى 2017 جىلدان باستاپ كۇشىن جويادى. ال سەرتيفيكاتتى ۇزارتۋ ءۇشىن كولىكتى جەدەل قىزمەتتى اۆتوماتتى شاقىرۋ جۇيەسىمەن جاراقتاندىرۋ تەحنولوگياسىن ەنگىزۋ كەرەك.
سونىمەن قاتار اتالعان كولىكتىڭ ساۋداسى دا ونشالىقتى قارقىندى بولماعانى ايتىلادى.