«100 ناقتى قادام» ۇلت جوسپارىنا سايكەس, مەملەكەتتىك اپپارات كاسىبيلەندىرۋدىڭ بىردەن-ءبىر كەزەڭى مەملەكەتتىك قىزمەتشىلەردى كەشەندى اتتەستاتتاۋ تۇسىندىرمە جۇمىستارىن وتكىزۋ قاراستىرىلىپ وتىر, دەپ حابارلايدى حابار24.
اتتەستاتسيا مەملەكەتتىك قىزمەتشىلەردىڭ قۇزىرەتتىلىگىن جانە ءبىلىم دەڭگەيىن انىقتاۋعا مۇمكىندىك قۇرالى بولىپ تابىلادى. ۇستىمىزدەگى جىلى جەلتوقساندا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ رەسمي سايتىنىڭ جاريالىمىنا سايكەس, 2017 جىلدىڭ ءبىرىنشى جارتىجىلدىعىندا جوسپارلانعان مەملەكەتتىك قىزمەتشىلەردى كەشەندى اتتەستاتتاۋدان وتكىزۋ بەلگىلى بولدى.
ەلىمىز بويىنشا 65 مىڭ مامان, ونىڭ ىشىندە ايماقتاردا 58 مىڭ مامان اتتەستاتسيادان وتەدى. مەملەكەتتىك قىزمەتشىلەردى اتتەستاتتاۋ اتقارىلىپ وتىرعان لاۋازىمىنىڭ ساناتىنا قاراي ءۇش كەزەڭدە وتكىزىلەدى. بارلىق اۋماقتىق دەپارتامەنتتەردە اتتەستاتتاۋدى وتكىزۋ وڭىرلىك جانە جەلىلىك كەستەسى قالىپتاستىرىلۋدا. اتتەستاتتاۋدىڭ ءبىرىنشى كەزەڭى 2017 جىلدىڭ 16 ناۋرىزىندا وتەدى دەپ جوبالانىپ وتىر. ەكىنشى كەزەڭ 2 اقپاننان 17 مامىرعا دەيىن, ءۇشىنشى 3 ناۋرىزدان 15 ماۋسىمعا دەيىن وتكىزىلەدى.