ماڭعىستاۋ اۋدانىندا «شولتوبە-ۇشتاعان-باسقۇدىق-جارما» گاز قۇبىرى ىسكە قوسىلىپ, ۇشتاعان, باسقۇدىق جانە جارما اۋىل تۇرعىندارىنىڭ ۇيىندە كوگىلدىر وتىن پايدا بولدى, دەپ حابارلايدى وبلىس اكىمىنىڭ ءباسپاسوز قىزمەتى.
گاز قۇبىرىنىڭ جالپى ۇزىندىعى – 92,67 شاقىرىمدى قۇرايدى. «سامۇرىق قازىنا» ۇلتتىق ءال-اۋقات قورىنان اتالمىش گاز قۇبىرىنا 898 576 000 تەڭگە قاراجات بولىنگەن.
«بۇگىندە اۋدانداعى الەۋمەتتىك ماسەلەلەر تولىققا جۋىق شەشىلدى دەۋگە بولادى. بارلىق اۋىلداردا بالا-باقشالار جۇمىس جاسايدى. سوڭعى جىلدارى اۋداننىڭ جەتى ەلدى مەكەنىندە جاڭا دارىگەرلىك امبۋلاتوريالار ىسكە قوسىلدى, بارلىق اۋىلداردا اۆتوموبيل جولدارى جاڭارتىلىپ, جاياۋ جۇرگىنشىلەر جولى سالىندى. الداعى جىلدارى دا ەل قاجەتتىلىگىنە قاراي الەۋمەتتىك نىساندار سالىنا بەرەتىن بولادى. مىنە, بۇگىن ماڭعىستاۋ اۋدانىنىڭ كىشكەنتاي ەكى اۋىلىنا گاز كەلدى. سىزدەردى وسى قۋانىشتارىڭىزبەن شىن جۇرەكتەن قۇتتىقتايمىن. ۇيلەرىڭىزدەن جىلۋ كەتپەسىن!» – دەدى ماڭعىستاۋ وبلىسىنىڭ اكىمى اليك ايدارباەۆ.