ۇلتتىق بانك توراعاسى دانيار اقىشەۆ قر ۇقك الماتى قالاسى بويىنشا دەپارتامەنتىنىڭ بىرىڭعاي جيناقتاۋشى زاينەتاقى قورىن (بجزق) تەكسەرۋىنە وراي تۇسىنىك بەردى, دەپ حابارلايدى قازاقپارات.
«بجزق شارۋاشىلىق قىزمەتىنەن ءوزىنىڭ كاپيتالى مەن قارجىسىنا يە, ۇلتتىق بانكتىڭ قاتىسۋىنسىز ينۆەستيتسيالاردى ءوز ەركىمەن جۇزەگە اسىرادى. قازىرگى ۋاقىتتا تەكسەرۋ جۇرگىزۋگە ۇلتتىق بانك ماماندارىن جۇمىلدىرۋ ءۇشىن قر ۇقك الماتى قالاسى بويىشا دەپارتامەنتىنەن ءوتىنىم كەلىپ ءتۇستى. ازىرگە, تەكسەرۋ شارالارى اياقتالعان جوق. اتاپ ايتقاندا, ۇلتتىق بانك ماماندارى وسى تەكسەرۋگە قاتىسىپ جاتىر. وسى ورايدا تەكسەرۋ ءالى دە اياقتالماعاندىقتان, قانداي دا ءبىر پىكىر ايتۋ ەرتە دەپ ويلايمىن», - دەدى اقىشەۆ
ماجىلىستەگى جالپى وتىرىس بارىسىندا تىلشىلەر ساۋالىنا جاۋاپ بەرۋ كەزىندە.
بۇدان بۇرىن حابارلانعانداي, قر ۇقك الماتى قالاسى بويىنشا دەپارتامەنتى بىرىڭعاي جيناقتاۋشى زاينەتاقى قورى «بۋزگۋل اۋرۋم» جشس وبليگاتسيالارىن ساتىپ الۋ فاكتىسى بويىنشا قىلمىستىق ءىس قوزعادى.