ۆەدومستۆودا حابارلاعانداي, بۇل لاۋازىمىندا م. نۇرعوجين قازاقستان رەسپۋبليكاسى عارىش قىزمەتىنىڭ دامۋ ماسەلەلەرىنە جەتەكشىلىك ەتەتىن بولادى.
مارات نۇرعوجين 1957 جىلى 30 ماۋسىم كۇنى دۇنيەگە كەلگەن.
1980 جىلى ن.ە. باۋمان اتىنداعى ماسكەۋ جوعارى تەحنيكالىق ۋچيليششەسىن ۇزدىك بىتىرگەن, تەحنيكالىق عىلىمدار دوكتورى, پروفەسسور.
ەڭبەك جولىن قاراعاندى پوليتەحنيكالىق ينستيتۋتىندا باستاپ, وندا كىشى عىلىمي قىزمەتكەردەن ءبىرىنشى پرورەكتورعا دەيىن وسكەن.
2004 جىلدىڭ ناۋرىز ايىندا قازاقستان رەسپۋبليكاسى عىلىم جانە ءبىلىم مينيسترلىگىنىڭ دەپارتامەنت ديرەكتورى لاۋازىمىنا تاعايىندالدى.
ءتۇرلى جىلدارى اپپارات باسشىسى, قر بعم اەروعارىش كوميتەتىنىڭ توراعاسى, «سامعاۋ» ۇلتتىق عىلىمي-تەحنولوگيالىق حولدينگ» اق باسقارما توراعاسىنىڭ ورىنباسارى, باسقارما مۇشەسى سەكىلدى لاۋازىمدارىن اتقارعان.
2008 جىلى «قازاقستان عارىش ساپارى» ۇلتتىق كومپانياسى» اق ءبىرىنشى ۆيتسە-پرەزيدەنتى, 2013 جىلدىڭ تامىزىندا – «قازاقستان عارىش ساپارى» ۇك» اق پرەزيدەنتىنىڭ مىندەتىن اتقارۋشى لاۋازىمىنا تاعايىندالدى.
م. نۇرعوجين بەلسەندى عالىم, 250-دەن استام عىلىمي جانە عىلىمي-ادىستەمەلىك جۇمىستىڭ, مونوگرافيانىڭ, وقۋلىقتىڭ جانە وقۋ ادىستەمەنىڭ, پاتەنتتىڭ, اۆتورلىق كۋالىكتىڭ جانە زياتكەرلىك مەنشىك تۋرالى كۋالىكتىڭ اۆتورى.
قر قورعانىس جانە اەروعارىش ونەركاسىبى ۆيتسە-ءمينيسترى بولىپ تاعايىندالۋىنا دەيىن م. نۇرعوجين «قازاقستان عارىش ساپارى» ۇك» اق پرەزيدەنتى لاۋازىمىن اتقاردى.
قازاقستان رەسپۋبليكاسىنىڭ مەملەكەتتىك ناگرادالارىمەن: «كۇرمەت» وردەنىمەن, قازاقستان رەسپۋبليكاسى پرەزيدەنتىنىڭ العىس حاتىمەن, مەرەيتويلىق مەدالدارمەن, «قازاقستان رەسپۋبليكاسى ءبىلىم بەرۋ ءىسىنىڭ قۇرمەتتى قىزمەتكەرى» جانە «قازاقستان رەسپۋبليكاسى عىلىمىن دامىتۋداعى جەتىستىكتەرى ءۇشىن» توسبەلگىلەرمەن ماراپاتتالعان.
ەستەرىڭىزگە سالا كەتەيىك, قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگى قازاقستان رەسپۋبليكاسى پرەزيدەنتىنىڭ 2016 جىلعى 6 قازانداعى № 350 جارلىعىنا سايكەس قۇرىلدى.
وسى كۇنگە دەيىن قر قورعانىس جانە اەروعارىش ونەركاسىبى ۆيتسە-مينيسترلەرى لاۋازىمدارىنا اقپاراتتاندىرۋ جانە بايلانىس سالاسىنداعى اقپاراتتىق قاۋىپسىزدىك (كيبەرقاۋىپسىزدىك) ماسەلەلەرىنە جەتەكشىلىك ەتەتىن گولوبۋردا دميتري ۆاسيلەۆيچ (قازاقستان رەسپۋبليكاسى ۇكىمەتىنىڭ 2016 جىلعى 14 قاراشاداعى № 702 قاۋلىسى) جانە جۇمىلدىرۋ دايارلىعى مەن جۇمىلدىرۋ, مەملەكەتتىك ماتەريالدىق رەزەرۆتى قالىپتاستىرۋ مەن دامىتۋ, بىرىڭعاي اسكەري-تەحنيكالىق ساياساتتى جۇرگىزۋ, قورعانىستىق تاپسىرىستى قالىپتاستىرۋ, ورنالاستىرۋ مەن ورىنداۋ ماسەلەلەرىنە جەتەكشىلىك ەتەتىن رامازانوۆ ارمان قايىربەك ۇلى (قازاقستان رەسپۋبليكاسى ۇكىمەتىنىڭ 2016 جىلعى 18 قاراشاداعى № 707 قاۋلىسى) تاعايىندالدى.