شارا قاراتاۋ ەتەگىندەگى «ۇسەن باۋى» تاۋ شاتقالىندا ءوتتى. سلەت بارىسىندا جەرگىلىكتى اۋىل شارۋاشىلىعى ءونىمىن وندىرۋشىلەردىڭ كورمەسى ۇيىمداستىرىلدى.
«قازىر يران, قىتاي, ەۋروپا, رەسەي ەلدەرى قازاقستاندا وندىرىلەتىن تابيعي ونىمدەرگە ۇلكەن قىزىعۋشىلىق تانىتىپ, اگروسەكتورعا ينۆەستيتسيا سالۋعا, وندىرىلگەن اۋىلشارۋاشىلىق ونىمدەردى ساتىپ الۋعا دايىن ەكەندىگىن ءبىلدىرىپ وتىر. وسىعان سايكەس بيىلعى جىلدىڭ وزىندە وبلىس اۋماعىنان 100 توننا ءمۇيىزدى ءىرى قارا ەتىن جانە 25 توننا قوي ەتىن ەكسپورتقا شىعارۋدى جوسپارلاپ وتىرمىز. بۇگىندە يران رەسپۋبليكاسىنا قويدى تىرىدەي ەكسپورتتاۋعا قىزىعۋشىلىق بىلدىرگەن بىرنەشە يراندىق كومپانيالاردىڭ باسشىلارى ءبىزدىڭ شاقىرۋىمىزبەن وبلىستا بولىپ, مال جانە ەت ساتىپ الۋ جونىندە كەلىسسوزدەر جۇرگىزىپ جاتىر. وسى باعىتتا «سىر مارجانى» جانە «شاعان جەر» جاۋاپكەرشىلىكتەرى شەكتەۋلى سەرىكتەستەرىنىڭ 6000 باسقا ارنالعان جاڭا زاماناۋي مال بورداقىلاۋ الاڭدارى ەكسپورتقا شىعاراتىن ءىرى قارا ەتىن وندىرەتىن بولادى. سونىمەن قاتار, سىرداريا اۋدانىندا «اباي-داۋلەت» سەرىكتەستىگى 10 مىڭ باس قوي بورداقىلاۋ الاڭى مەن جىلىنا 250 توننا قوزى ەتىن وندىرەتىن كەشەننىڭ قۇرىلىسىن اياقتاپ, جۇمىسىن باستادى», دەدى وبلىس اكىمى قىرىمبەك كوشەرباەۆ.
ايماق باسشىسى جانە قر پرەمەر-ءمينيسترىنىڭ ورىنباسارى – قر اۋىل شارۋاشىلىعى ءمينيسترى اسقار مىرزاحمەتوۆ, رەسپۋبليكالىق اۋىلشارۋاشىلىق قىزمەتكەرلەرىنىڭ سالالىق كاسىپتىك وداعىنىڭ توراعاسى ابۋباكىر سۇلەيمەنوۆ سلەتكە قاتىسۋشىلاردى قۇتتىقتاپ, اۋىل شارۋاشىلىعى سالاسىنىڭ ەڭبەككەرلەرىن مەدالدارمەن, قر اۋىل شارۋاشىلىعى مينيسترلىگىنىڭ قۇرمەت گراموتاسىمەن جانە وبلىس اكىمىنىڭ العىس حاتىمەن ماراپاتتادى. ارنايى قۇتتىقتاۋ مەن باعالى سىيلىقتارعا ايماقتاعى 30 وزات مالشى يە بولدى.
شارا سوڭى كونتسەرتتىك باعدارلاما, ۇلتتىق سپورتتىق ويىندار جانە جالپىحالىقتىق سەرۋەنگە ۇلاستى.