100 كەلىدەن استام سالماق دارەجەسىندە سىنعا تۇسكەن ەرعاليەۆ تۇركيالىق فەياز يازىدجىدان باسىم ءتۇستى.
ال 100 كەلىگە دەيىنگى ەكىنشى دزيۋدوشىمىز ۆيكتور دەميانەنكو قولا مەدال ءۇشىن بەلدەسۋدە اراب امىرلىكتەرىنىڭ سپورتشىسىنا ەسە جىبەرىپ, بەسىنشى ورىنعا تۇراقتادى.
سونىمەن قاتار, 14 مامىر كۇنى قازاقستاندىق بوكسشىلار جارىستاردىڭ كەلەسى كەزەڭىنە ءوتتى. سۇلتانبەك زاۋىربەك (60) ۋلۋگبەك دۋسمۋرادوۆتى (وزبەكستان) 5:0 ەسەبىمەن جەڭىپ, جارتىلاي فينالعا جولداما الدى. سۇلتانبەك كەلەسى ايقاسىن 17 مامىر كۇنى وتكىزەدى. يليا وچكين (69) ابدەلكابير بەلاسسەكتى (ماروككو) 3:2 ەسەبىمەن جەڭىپ, شيرەك فينالعا شىقتى. بۇل كەزەڭدە ول پاكىستاندىق ارشاد حۋسساينمەن كەزدەسەدى. سونداي-اق, شيرەك فينالدا ازات ماحمەتوۆ (52), تۇرسىنباي قۇلاحمەت (75) جانە قۋان قۋاتوۆ (64) جۇدىرىقتاسادى.
جەكسەنبى كۇنى باكۋگە تاەكۆوندودان قازاقستان قۇراماسى كەلدى. ونىڭ قۇرامىندا ريو وليمپياداسىنا قاتىسقان رۋسلان جاپاروۆ, حالىقارالىق تۋرنيرلەردىڭ بىرنەشە دۇركىن جەڭىمپازدارى جانسەل دەنيز جانە اينۇر ەسبەرگەنوۆا بار.
15 مامىر كۇنى قازاقستاندىق بوكسشىلار مەن دزيۋدوشىلار جارىستارىن جالعاستىراتىن بولادى.
ايتا كەتەيىك, 12-22 مامىر ارالىعىندا باكۋدە IV يسلام ىنتىماقتاستىق ويىندارى وتۋدە. بۇعان 54 ەلدەن بارلىعى 3500 سپورتشى قاتىسىپ جاتىر. قازاقستان اتىنان بەس باعىت بويىنشا 32 سپورتشى سىنعا ءتۇستى.