جيىنعا الماتىداعى كونسۋل كەڭەسشىسى باتىر گۋلدجانوۆ جانە تۇرىكمەن ەتنومادەني ورتالىعىنىڭ ءتورايىمى گۇلنار انناكۋليەۆا قاتىستى. جيىندى قازاقستان حالقى اسسامبلەياسى مەن تۇرىكمەن رەسپۋبليكاسىنىڭ قازاقستانداعى ەلشىلىگى ۇيىمداستىرعان. ءبىر ايتا كەتەرلىگى, ماقتىمق ۇلى كۇنى قازاقستاندا تۇرىكمەن ەتنومادەني بىرلەستىگىنىڭ ۇيىمداستىرۋىمەن جىل سايىن وتكىزىلەدى.
ءداستۇرلى كەشتە ستۋدەنتتەر اراسىندا اقىن ولەڭدەرىن مانەرلەپ وقۋدان سايىس ءوتتى. قاتىسۋشىلارعا تۇرىكمەنستان ەلشىلىگىنىڭ كونسۋلدىق ءبولىمى اتىنان باعالى سىيلىقتار تابىس ەتىلدى. سونىمەن قاتار كەش بارىسىندا تۇرىكمەن قولدانبالى ونەرىنىڭ كورمەسى ۇيىمداستىرىلدى.
ەستەرىڭىزگە سالا كەتسەك, ءبىزدىڭ زامانىمىزعا ماقتىمق ۇلى پىراعىنىڭ 16 مىڭ جولدان تۇراتىن ولەڭ-جىرلارى جەتكەن. 1842 جىلى ونىڭ ەڭ العاشقى كىتابى باسىلىپ شىقتى. ونى قازاق تىلىنە اقىن دۇيسەنبەك قاناتباەۆ اۋدارعان.