2011 جىلعى 16 مامىر استانا, ۇكىمەت ءۇيى
ۇلتتىق عىلىمي كەڭەستەر تۋرالى
«عىلىم تۋرالى» قازاقستان رەسپۋبليكاسىنىڭ 2011 جىلعى 18 اقپانداعى زاڭىنىڭ 3-بابىنىڭ 6) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. وسى قاۋلىعا تىزبەگە سايكەس عىلىم باعىتتارى بويىنشا ۇلتتىق عىلىمي كەڭەستەر قۇرىلسىن.
2. عىلىم باعىتتارى بويىنشا ۇلتتىق عىلىمي كەڭەستەر تۋرالى ەرەجە بەكىتىلسىن.
3. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ
2011جىلعى «16» مامىرداعى
№519 قاۋلىسىمەن
بەكىتىلگەن
ۇلتتىق عىلىمي كەڭەستەردىڭ تىزبەسى
ۇلتتىق عىلىمي كەڭەستەر عىلىمنىڭ مىناداي باعىتتارى بويىنشا قۇرىلادى:
1) ەنەرگەتيكا;
2) شيكىزات پەن ءونىمدى تەرەڭدەتىپ قايتا وڭدەۋ;
3) اقپاراتتىق جانە تەلەكوممۋنيكاتسيالىق تەحنولوگيالار;
4) ءومىر تۋرالى عىلىم;
5) ەلدىڭ زياتكەرلىك الەۋەتى.
قازاقستان رەسپۋبليكاسى
ۇكىمەتىنىڭ
2011 جىلعى «16» مامىرداعى
№519 قاۋلىسىمەن
بەكىتىگەن
ۇلتتىق عىلىمي كەڭەستەر تۋرالى ەرەجە
1. جالپى ەرەجەلەر
1. وسى ەرەجە «عىلىم تۋرالى» قازاقستان رەسپۋبليكاسىنىڭ 2011 جىلعى 18 اقپانداعى زاڭىنا سايكەس ازىرلەنگەن جانە ۇلتتىق عىلىمي كەڭەستەر (بۇدان ءارى – كەڭەستەر) قىزمەتىنىڭ قۇقىقتىق جانە ۇيىمداستىرۋشىلىق نەگىزدەرىن ايقىندايدى.
2. كەڭەستەر عىلىمي جانە (نەمەسە) عىلىمي-تەحنيكالىق قىزمەتتىڭ دامۋ باعىتتارى بويىنشا القالى ورگان بولىپ تابىلادى.
3. كەڭەستەر قازاقستان رەسپۋبليكاسىنىڭ الەۋمەتتىك-ەكونوميكالىق دامۋىنىڭ مەملەكەتتىك باسىمدىقتارىنا سايكەس عىلىم باعىتتارى بويىنشا قۇرىلادى.
4. كەڭەستەردىڭ جۇمىسىن ۇيىمداستىراتىن مەملەكەتتىك عىلىمي-تەحنيكالىق ساراپتاما ۇلتتىق ورتالىعى (بۇدان ءارى – كەڭەستەردىڭ جۇمىس ورگانى) كەڭەستەردىڭ جۇمىس ورگانى بولىپ تابىلادى.
2. كەڭەستەردىڭ مىندەتتەرى مەن فۋنكتسيالارى
5. كەڭەستەردىڭ نەگىزگى مىندەتتەرى:
1) جوعارى عىلىمي-تەحنيكالىق كوميسسيا ايقىنداعان باسىمدىقتارعا سايكەس مامانداندىرىلعان عىلىمي باعىتتاردى قالىپتاستىرۋ;
2) عىلىمي زەرتتەۋلەر جۇرگىزۋ ءۇشىن بولىنەتىن قارجىلاندىرۋدىڭ نىساندارى مەن كولەمدەرىن ايقىنداۋ;
3) ۇسىنىلاتىن عىلىمي, عىلىمي-تەحنيكالىق جوبالار مەن باعدارلامالاردىڭ عىلىمي جاڭالىعىن, عىلىمي-تەحنيكالىق دەڭگەيىن, پەرسپەكتيۆاسىن, ازىرلەنۋ دارەجەسىن, سۇرالىپ وتىرعان قارجىلاندىرۋ كولەمىنىڭ ەكونوميكالىق نەگىزدەمەسىن باعالاۋ;
4) قازاقستان رەسپۋبليكاسىنىڭ جاڭا عىلىمي باعىتتارعا قاجەتتىلىكتەرىن باعالاۋ;
5) مەملەكەتتىك بيۋدجەتتەن قارجىلاندىرۋعا ۇسىنىلاتىن ىرگەلى جانە قولدانبالى زەرتتەۋلەر بويىنشا عىلىمي, عىلىمي-تەحنيكالىق جوبالار مەن باعدارلامالارعا كونكۋرستىق ىرىكتەۋدى جۇزەگە اسىرۋ;
6) جۇرگىزىلەتىن عىلىمي زەرتتەۋلەردىڭ ىسكە اسىرىلۋ بارىسىن, ونىڭ ىشىندە جۇمىس ورنىنا بارۋ ارقىلى مونيتورينگىلەۋ بولىپ تابىلادى.
6. كەڭەستەر مەملەكەتتىك بيۋدجەت قاراجاتى ەسەبىنەن:
1) عىلىمي-زەرتتەۋ, تاجىريبەلىك-كونسترۋكتورلىق جانە تەحنولوگيالىق جۇمىستاردىڭ جوبالارى مەن باعدارلامالارىن;
2) عىلىمي-زەرتتەۋ, تاجىريبەلىك-كونسترۋكتورلىق جانە تەحنولوگيالىق جۇمىستار بولىگىندەگى باسقا دا باعدارلامالاردى;
3) قازاقستان رەسپۋبليكاسى عىلىمي مەكەمەلەرىنىڭ, ۇيىمدارى مەن كاسىپورىندارىنىڭ قاتىسۋىمەن ىسكە اسىرىلاتىن مەملەكەتارالىق عىلىمي-تەحنيكالىق باعدارلامالاردىڭ جوبالارىن;
4) يننوۆاتسيالىق جوبالاردى گرانتتىق جانە باعدارلامالىق-نىسانالى قارجىلاندىرۋ (قارجىلاندىرۋدى توقتاتۋ) تۋرالى شەشىمدەر قابىلدايدى.
3. كەڭەستەردىڭ قىزمەتىن ۇيىمداستىرۋ
7. ءاربىر كەڭەستە توراعا, توراعانىڭ ورىنباسارى انىقتالادى.
كەڭەستىڭ توراعاسى ونىڭ قىزمەتىنە باسشىلىق ەتەدى, كەڭەستىڭ وتىرىستارىندا توراعالىق ەتەدى, كەڭەستىڭ جۇمىسىن جوسپارلايدى جانە مەملەكەتتىك ورگاندارمەن, سونداي-اق ءوز قىزمەتى شەڭبەرىندە باسقا دا ۇيىمدارمەن ءوزارا ءىس-قيمىل كەزىندە ونىڭ مۇددەسىن بىلدىرەدى.
توراعا بولماعان جاعدايدا ونىڭ فۋنكتسيالارىن ورىنباسارى اتقارادى.
توراعا كەڭەس مۇشەلەرىنىڭ اراسىنان حاتتامانى رەسىمدەۋگە جاۋاپ بەرەتىن كەڭەستىڭ حاتشىسىن بەلگىلەيدى. بۇل رەتتە كەڭەستىڭ حاتشىسى كەڭەس شەشىمدەر قابىلداعان كەزدە داۋىس بەرۋ قۇقىعىنا يە.
8. كەڭەس قىزمەتىنىڭ نەگىزگى نىسانى ول قابىلدايتىن شەشىمدەردىڭ جاريالىلىعى مەن وبەكتيۆتىلىگىن قامتاماسىز ەتەتىن كەڭەستىڭ وتىرىسى بولىپ تابىلادى.
9. كەڭەستىڭ وتىرىسى كەڭەستىڭ مۇشەلەرىن تىكەلەي شاقىرۋ جولىمەن نە ناقتى ۋاقىت رەجيمىندەگى ينتەرنەت-كونفەرەنتسيانى وتكىزۋ جولىمەن وتكىزىلەدى.
10. كەڭەستىڭ وتىرىستارى قاجەتتىلىگىنە قاراي جىلىنا كەمىندە ەكى رەت وتكىزىلەدى.
كەڭەستىڭ وتىرىستارى, ەگەر وعان كەڭەستىڭ ءتيىستى قۇرامى مۇشەلەرىنىڭ سانىنان كەمىندە ۇشپەن ەكىسى قاتىسسا, زاڭدى دەپ ەسەپتەلەدى.
11. كەڭەس وتىرىسىنىڭ كۇن ءتارتىبىن كەڭەستىڭ جۇمىس ورگانى قالىپتاستىرادى جانە كەزەكتى وتىرىستىڭ ماتەريالدارىمەن بىرگە كەڭەستىڭ مۇشەلەرىنە وتىرىستىڭ باستالۋىنا دەيىن جەتى جۇمىس كۇنىنەن كەشىكتىرىلمەي جىبەرىلەدى.
12. مەملەكەتتىك عىلىمي-تەحنيكالىق ساراپتاما ۇلتتىق ورتالىعى (بۇدان ءارى – ساراپتاما ورتالىعى) كەڭەسكە عىلىمي, عىلىمي-تەحنيكالىق جانە يننوۆاتسيالىق جوبالار مەن باعدارلامالار (ولار بويىنشا ەسەپتەر), مەملەكەتتىك سىيلىكتار, مەملەكەتتىك عىلىمي ستيپەنديالار الۋعا ۇسىنىلاتىن عىلىمي-زەرتتەۋ جۇمىستارى (بۇدان ءارى – ساراپتاما وبەكتىلەرى) بويىنشا مەملەكەتتىك عىلىمي-تەحنيكالىق ساراپتاما ناتيجەلەرىن ساراپتاما وبەكتىلەرىمەن قوسا القالى شەشىم قابىلداۋعا جىبەرەدى.
كەڭەس الىنعان مەملەكەتتىك عىلىمي-تەحنيكالىق ساراپتامانىڭ ناتيجەلەرىن ساراپتاما وبەكتىسىمەن بىرگە قارايدى جانە ولار كەلىپ تۇسكەن كۇننەن باستاپ بەس جۇمىس كۇنىنەن اسپايتىن مەرزىمدە ۇسىنىلعان ماتەريالداردىڭ ءمانى بويىنشا وڭ نەمەسە تەرىس شەشىم قابىلدايدى.
13. قاجەت بولعان جاعدايلاردا كەڭەس ساراپتاما وبەكتىلەرى بويىنشا تولىق مالىمەتتەر بولماعان كەزدە ساراپتاما ورتالىعىنان مەملەكەتتىك عىلىمي-تەحنيكالىق ساراپتامانىڭ ناتيجەلەرى بويىنشا قوسىمشا تۇسىنىكتەمەلەر, نەگىزدەمەلەر مەن اقپاراتتى سۇراتادى, ول ەكى جۇمىس كۇنىنەن اسپايتىن مەرزىمدە جاۋاپتى جىبەرەدى.
14. كەڭەستىڭ شەشىمى كەڭەستىڭ قاتىسىپ وتىرعان مۇشەلەرىنىڭ قاراپايىم كوپشىلىك داۋسىمەن قابىلدانادى جانە بارلىق مۇشەلەرى مەن حاتشىسى قول قوياتىن حاتتامامەن رەسىمدەلەدى.
داۋىس بەرۋگە شىعارىلعان ماسەلە بويىنشا كەڭەس مۇشەسىنىڭ ەرەكشە پىكىرى بولسا, كەڭەس حاتشىسى حاتتاماعا ءتيىستى جازبا ەنگىزەدى.
15. كەڭەستىڭ قابىلداعان شەشىمدەرىن كەڭەستىڭ جۇمىس ورگانى عىلىم سالاسىنداعى ۋاكىلەتتى ورگانعا جانە سالالىق ۋاكىلەتتى ورگانعا شەشىم قابىلدانعان كۇننەن باستاپ ون جۇمىس كۇنىنەن اسپايتىن مەرزىمدە جىبەرەدى.
بۇل رەتتە كەڭەستەردىڭ شەشىمدەرىن عىلىم سالاسىنداعى ۋاكىلەتتى ورگان جانە سالالىق ۋاكىلەتتى ورگاندار مىندەتتى تۇردە ورىنداۋعا ءتيىس.
16. كەڭەستەر عىلىمي, عىلىمي-تەحنيكالىق جانە يننوۆاتسيالىق قىزمەتتىڭ ءتيىستى باعىتتارى بويىنشا ورىندالاتىن عىلىمي زەرتتەۋلەر جونىندە عىلىمي جانە (نەمەسە) عىلىمي-تەحنيكالىق قىزمەت تۋرالى ارالىق جانە قورىتىندى ەسەپتەر قابىلدايدى.
17. كەڭەستەر وزدەرىنىڭ قابىلداعان شەشىمدەردىڭ ورىندالۋىنا مونيتورينگتى جۇزەگە اسىرادى.
18. ناقتى جوباعا, باعدارلاماعا (ولار بويىنشا ەسەپكە) ساراپتاما, عىلىمي جۇمىستاردىڭ ورىندالۋ مونيتورينگىن جۇرگىزگەنى ءۇشىن سىياقىنى, سونداي-اق قازاقستاندىق جانە شەتەلدىك عالىمداردىڭ ءىسساپار شىعىستارىن قوسا العاندا, كەڭەستەردىڭ قىزمەتىن قامتاماسىز ەتۋدى ساراپتاما ورتالىعى مەملەكەتتىك بيۋدجەت قاراجاتىنان جۇرگىزەدى.
19. كەڭەستەر ءوز قىزمەتىن جۇزەگە اسىرۋ كەزىندە:
1) ءوز قىزمەتىن قازاقستان رەسپۋبليكاسىنىڭ سالالىق ۋاكىلەتتى ورگاندارىمەن, عىلىمي ۇيىمدارىمەن جانە جوعارى وقۋ ورىندارىمەن ءوزارا ءىس-قيمىلدا جۇزەگە اسىرۋعا;
2) ءوز قىزمەتىن جۇزەگە اسىرۋ ءۇشىن اقپاراتتىق-تالدامالىق جانە انىقتامالىق دەرەكتەر الۋعا;
3) كادرلاردى دايارلاۋدى, قارجىلىق قامتاماسىز ەتۋ جانە عىلىمنىڭ ماتەريالدىق-تەحنيكالىق بازاسىن دامىتۋدى قوسا العاندا, عىلىمي-تەحنيكالىق دامۋ جونىندەگى ۇسىنىستاردى ۋاكىلەتتى ورگانعا, سالالىق ۋاكىلەتتى ورگاندارعا, ۇلتتىق جانە سالالىق عىلىم اكادەميالارىنا ەنگىزۋگە;
4) عىلىمي-تەحنيكالىق الەۋەتتى دامىتۋ ماسەلەلەرى بويىنشا نورماتيۆتىك قۇقىقتىق اكتىلەردى وزگەرتۋ جانە جەتىلدىرۋ جونىندەگى ۇسىنىستاردى ازىرلەۋگە جانە بەلگىلەنگەن تارتىپپەن ەنگىزۋگە;
5) گرانتتىق جانە باعدارلامالىق-نىسانالى قارجىلاندىرۋعا جاتاتىن, قارالاتىن جوبالار مەن باعدارلامالار بويىنشا وتىرىستارعا قوسىمشا تۇسىنىكتەمەلەر بەرۋ ءۇشىن ورىنداۋشىلاردى شاقىرۋعا;
6) عىلىم سالاسىنداعى ۋاكىلەتتى ورگاننىڭ كەلىسىمى بويىنشا كەڭەسكە ۇسىنىلعان ماتەريالداردى جان-جاقتى, تولىق جانە وبەكتيۆتى قاراۋدى قامتاماسىز ەتۋ ماقساتىندا كونسۋلتاتسيالار مەن تۇسىنىكتەمەلەر الۋ ءۇشىن ناقتى عىلىم سالاسى بويىنشا ساراپشىلار مەن مامانداردى تارتۋ ارقىلى مامانداندىرىلعان سەكتسيالاردى قۇرۋعا قۇقىعى بار.
20. كەڭەستەردىڭ مۇشەلەرى كەڭەس قابىلدايتي شەشىمدەرگە, ولاردىڭ وبەكتيۆتىلىگى مەن نەگىزدىلىگىنە, قابىلدانعان شەشىمدەردىڭ قازاقستان رەسپۋبليكاسى زاڭناماسىنىڭ تالاپتارىنا سايكەستىگىنە دەربەس جاۋاپكەرشىلىكتە بولادى.
21. ۇلتتىق عىلىمي كەڭەستەردىڭ مۇشەلەرى ناقتى ماسەلەلەردى قاراۋ كەزىندە وزدەرىنە ءمالىم بولعان مۇددەلەر قاقتىعىسى تۋرالى كەڭەستى حاباردار ەتەدى جانە كەڭەس قابىلدايتىن شەشىمدەردىڭ وبەكتيۆتىلىگى مەن نەگىزدىلىگى ءۇشىن جاۋاپكەرشىلىكتە بولادى.