«قازگيدرومەت» ەل اۋماعىندا الداعى دەمالىس كۇندەرى كۇن رايى قۇبىلىپ, اۋا تەمپەراتۋراسى تومەندەيتىنىن حابارلادى, دەپ جازادى Egemen.kz.
ەلىمىزدىڭ باسىم بولىگىندە تسيكلون مەن اتموسفەرالىق فرونتتاردىڭ اسەرىنەن جاۋىن-شاشىن بولادى. سولتۇستىك جانە شىعىس وڭىرلەردە قالىڭ قار جاۋادى. ال وڭتۇستىك وبلىستاردا جاڭبىر جاۋى ىقتيمال. سونداي-اق ەكپىندى جەل كۇشەيىپ, بوران سوعادى, كوكتايعاق پەن تۇمان تۇسەدى.
اياز, بوران, كوكتايعاق: ەلىمىزدىڭ 16 وڭىرىندە ەسكەرتۋ جاريالاندى
كەيىننەن انتيتسيكلون باتىس وڭىرلەرگە ىعىسادى. سونىڭ اسەرىنەن جاۋىن-شاشىن توقتاپ, اۋا تەمپەراتۋراسى تومەندەيدى.
«تۇنگى ۋاقىتتا باتىس وبلىستاردا اۋا تەمپەراتۋراسى 10-22 گرادۋس, سولتۇستىك وبلىستاردا 17-25 گرادۋس, ال وڭتۇستىك وبلىستاردا 0-8 گرادۋسقا دەيىن اياز بولادى. 23 اقپاننان باستاپ سولتۇستىك-باتىستا, 24 اقپاننان باستاپ سولتۇستىك, شىعىس جانە ورتالىق وڭىرلەردە اۋا تەمپەراتۋراسىنىڭ كۇرت تومەندەيتىنى بولجانىپ وتىر. كەي جەرلەردە 25-37 گرادۋسقا دەيىن اياز بولۋى ىقتيمال», دەلىنگەن «قازگيدرومەت» تاراتقان حابارلامادا.
ەندى اۋا رايى بولجامى سۋرپەركومپيۋتەر ارقىلى ەسەپتەلەدى