جاڭا باستامالارعا جول اشىلدى

سەۋل قالاسىندا «پروكۋرا­تۋ­رانىڭ جاڭا باستاماسى – ادال جانە ءادىل قوعام» اتتى تاقىرىپقا ارنالعان باس پروكۋرورلاردىڭ ءتورتىنشى دۇنيەجۇزىلىك ءسامميتى اياقتالدى. فورۋم الەمنىڭ جۇزدەن استام ەلىنەن جوعارى قاداعالاۋ ورگاندارىنىڭ باسشىلارىن جي­نادى. وعان قازاقستان رەسپۋب­ليكاسىنان باس پروكۋرورى اسحات داۋىلباەۆ قاتىسىپ, سامميت سەس­سياسىندا «جاڭا ۋاقىت سىنىنا قارسى كۇرەستە قىلمىستىق قۋ­دا­لاۋ ورگاندارىنىڭ تيىمدىلىگىن ارتتىرۋ» اتتى تاقىرىپتا بايانداما جاسادى. ءسامميتتى كورەيا رەس­پۋبليكاسىنىڭ پرەزيدەنتى لي مەنگ باك جانە بۇۇ باس حاتشى­سىنىڭ قۇقىقتىق ماسەلەلەر ءجو­نىندەگى ورىنباسارى پاتريسيا و’برايان اشتى. قازاقستان رەسپۋبليكاسىنىڭ باس پروكۋرورى فورۋم مىنبەسىنەن ءسوز سويلەي تۇرىپ, جالپىپ­لا­نە­تا­لىق سيپاتتاعى پروبلەمالار, ون­ىڭ ىشىندە ترانسۇلتتىق ۇيىمداس­قان قىلمىسقا قارسى كۇرەس ءما­سەلەسى حالىقارالىق قوعامداس­تىق­تىڭ كۇشىن بىرىكتىرۋ جولىمەن عا­نا شەشىمىن تابا الاتىنىن ەرەكشە اتاپ ءوتتى. ا.داۋىلباەۆ سون­داي-اق, ترانسۇلتتىق قىلمىستارعا قارسى ارەكەت ەتۋ بويىنشا قا­زاقستاندا جۇرگىزىلىپ جاتقان ما­ڭىزدى باعىتتارعا توقتالىپ ءوتتى. رەسپۋبليكانىڭ الەمدىك قوعام­داستىقتىڭ بەلسەندى مۇشەسى رەتىندە ترانسۇلتتىق ۇيىمداسقان قىلمىسقا قارسى كۇرەس سالا­سىن­داعى ىنتىماقتاستىقتى دامىتۋعا ءوز ۇلەسىن قوسىپ وتىرعانى ەرەكشە اتاپ ءوتىلدى. قازاقستان رەسپۋب­ليكاسى باس پروكۋراتۋراسى مەن يسپانيا كورولدىگىنىڭ باس پرو­كۋراتۋراسى اراسىنداعى ىنتى­ماق­تاستىق تۋرالى مەموراندۋمعا قول قويىلدى. وسى قۇجات ەكى ەل اراسىنداعى قىلمىسپەن, سونىڭ ىشىندە ونىڭ ۇيىمداسقان تۇرلە­رىمەن, تەرروريزممەن, سىبايلاس جەمقورلىقپەن, قارۋ مەن ەسىرت­كى­نىڭ زاڭسىز اينالىمىمەن, ەكونو­ميكا سالاسىنداعى قىلمىستارمەن كۇرەستە ءتيىمدى ىنتىماقتاستىقتى دامىتۋعا مۇمكىندىك اشادى. سونىمەن قاتار ا.داۋىلباەۆ كورەيا, قحر, ماكاو, ساۋد ارا­بياسى, يران, مولدوۆا, موڭعوليا, لاتۆيا, ليتۆا, تايلاند, يرلانديا, يتاليا, جاپونيا, تۇركيا, مالايزيا جانە سينگاپۋردىڭ باس پروكۋرورلارىمەن ەكىجاقتى كەزدەسۋلەر وتكىزىپ, ءوزارا ىنتى­ماق­تاستىقتىڭ كەلەشەگىن تالقى­لادى. ءسامميتتىڭ قورىتىندىسى بوي­ىنشا ونىڭ قاتىسۋشىلارى الەم­دىك قاۋىمداستىقتىڭ پروكۋراتۋرا ور­گان­دارىنىڭ ودان ءارى ىنتى­ماقتاس­تىعىنىڭ نەگىزگى با­عىت­تارى بەلگىلەنگەن دەكلاراتسيا قابىل­دادى, دەپ حابارلادى باس پروكۋ­را­تۋرانىڭ ءباسپاسوز قىزمەتى.