دەنساۋلىق ساقتاۋ ءمينيسترى اقمارال النازاروۆا قىزىلوردا وبلىسىنا جۇمىس ساپارى اياسىندا 100 ادام قابىلدايتىن ەمحاناسى جانە ونكولوگيالىق بولىمشەسى بار 300 توسەكتىك كوپبەيىندى اۋرۋحانانىڭ قۇرىلىس الاڭىنا باردى, دەپ جازادى Egemen.kz.
ءوڭىر تۇرعىندارى ءۇشىن الەۋمەتتىك ماڭىزى بار نىسان مەملەكەت باسشىسىنىڭ تاپسىرماسى بويىنشا سالىنىپ جاتىر.
كوپبەيىندى اۋرۋحانا حالىقارالىق ستاندارتتارعا سايكەس كەلەتىن دياگنوستيكا جانە ەمدەۋ سالاسىندا جوعارى تەحنولوگيالىق مەديتسينالىق قىزمەتتەردى كورسەتەدى.
كەشەن ەمحانا, پانسيونات, كونفەرەنتس-زال, اسحانا, فيزيوتەراپيا بولىمشەسى, قابىلداۋ بولىمشەسى, اكىمشىلىك بلوك, رەانيماتسيا, حيميوتەراپيا جانە راديوتەراپيا بولىمشەلەرى, سونداي-اق وپەراتسيالىق بلوك سياقتى 10 فۋنكتسيونالدىق بلوكتان تۇرادى.
قوستانايداعى ونكولوگيالىق اۋرۋحاناعا «Halcyon» جەلىلىك ۇدەتكىشى ورناتىلدى
سونىمەن قاتار, مەملەكەت باسشىسىنىڭ تاپسىرماسىنا سايكەس ەلىمىزدىڭ 12 وڭىرىندە زاماناۋي پەريناتالدىق ورتالىقتار سالۋ كوزدەلگەن.
بلوگەردىڭ جازباسىنان كەيىن رۋدنىي اۋرۋحاناسىنا جوسپاردان تىس تەكسەرۋ باستالدى
قىزىلوردادا 200 توسەكتىك پەريناتالدىق ورتالىقتىڭ ىرگەتاسىن قالاۋ ءراسىمى دە ءوتتى. وندا حالىقارالىق تاجىريبەلەر مەن وزىق مەديتسينالىق تەحنولوگيالار ەنگىزىلەدى.
اقتوعاي اۋرۋحاناسىنا 6 جاڭا سانيتارلىق اۆتوكولىك بەرىلدى